विष्णु शर्मा ##
सम्पूर्ण आमाबाबा दिदीबैनी दाजुभाइ ।
न्यानो मेरो अभिवादन स्वीकार गर्नू है ।।
सबै जना मूल प्रवाहको झण्डामुनि आऊँ है ।
प्रगतिशील गीत गाई तिज मनाऊँ है ।।
मन हाम्रो मुलुकमै छ ज्यान विदेश भए नि ।
देशको तस्बिर मुटुमा छ जहाँ गए नि ।।
भारतका गल्ली बस्ती सबै जना उठेर ।
सङ्घीयताको विरोध गरौँ सबै जुटेर ।।
एमसिसी पास गर्ने खोजे सत्ताधारीहरूले ।
विरुद्धमा मसाल बालौँ सबै नारीले ।।
देशको सार्वभौमसत्तामा यसले ठेस पुर्याउँछ ।
कालान्तरमा अमेरिकन सेना आउँछ ।।
वीरपुर्खाले राज गरेको नेपाल हाम्रो देशमा ।
साम्राज्यवादलाई दिनुहुन्न देशको शासन ।।
हाम्रो भाषा संस्कृतिलाई प्रवासमा चिनाऊँ है ।
हामीबिचमा एकताको माला बनाऊँ है ।।
देशको भेषभुषा नि पर्न नदिऊँ ओझेल ।
विकृतिको विरोध गरौँ सबै मिलेर ।।
चेतनाको दियो बाली हामी अघि बढेर ।
विभेदको विरुद्धमा लडौँ डटेर ।
समस्याको समाधानमा आत्मनिर्भर बनौँ है ।
सामाजिक भावनाको विकास गरौँ है ।।
मूल प्रवाहको गरिमामा हिलो छ्याप्नेहरूलाई ।
सबै नारी एक भई पाखा लगाऊँ है ।।
२०७८ को तिजको सबै जनामा ।
दक्षिण भारतदेखि अग्रिम शुभकामना ।।
