काठमाडौँ । नेकपा (एमाले) का वरिष्ठ नेता माधव कुमार नेपालसँग नेकपा माओवादी केन्द्र) का अध्यक्ष पुष्पकमल दाहाल प्रचण्ड र नेत्रविक्रम चन्द ‘विप्लव’ले भेटवार्ता गर्नुभएको छ ।
नेकपाका महासचिव विप्लव माओवादी केन्द्रका अध्यक्ष प्रचण्डसहित नेता नेपालको निवास कोटेश्वर पुगेको प्रचण्डकी स्वकीय सचिवसमेत रहेकी छोरी गंगा दाहालले जानकारी दिनुभएको छ ।
हिजो बुधबार माओवादी केन्द्रका अध्यक्षलाई भेट्न उहाँकै निवास खुमलटार पुगेका विप्लवले आज प्रचण्डसमेत माधव नेपालसँग कोटेश्वरमा एकसाथ भेटवार्ता गर्नुभएको हो । विप्लवको साथमा नेता धर्मेन्द्र बाँस्तोला पनि सहभागी हुनुहुन्छ ।
ओली सरकारसँग तीनबुँदे सहमति गरेर शान्तिपूर्ण राजनीतिमा आएको विप्लव समूह ओली सत्ताच्युत हुनासाथ विभिन्न पार्टीका नेतासँगको भेटवार्तालाई तीब्रता दिएको छ ।
ओलीले सहमति कार्वान्वयन नगरेको विप्लव समूहको गुनासो थियो । नेताहरुसँगको भेटमा विप्लवले तीन बुँदे सहमति कार्यान्वयन गर्न तथा जेलमा रहेका आफ्ना नेता कार्यकर्ता छुटाउन आग्रह गरेको बुझिएको छ ।
