काठमाडौँ । सउदी अरब नेपाली राजदूतावासले सउदीबाट सोझै नेपाल जाने हवाइसेवा तत्कालका लागि सुचारु नभएको जानकारी दिएको छ ।

आफ्नो फेसबुक पेजमा आज जुन ४, २०२१ का दिन स्टाटस राख्दै दूतावासले सो जानकारी दिएको हो ।

“हामीले पोस्ट गरेका उपयोगी सूचना हेरेर धेरै महानुभावहरूले सउदीबाट नेपाल जानको लागि कहिले फ्लाइट खुल्छ भन्ने जिज्ञासा राख्नुभएको देखियो” दूतावासले सूचना दिएको छ– “सउदीबाट सोझै नेपाल जाने फ्लाइट खोल्ने सम्बन्धमा अझै कुनै निर्णय नभइसकेको भएता पनि नेपाल जान चाहने महानुभावहरूले कतार वा टर्की (कतार एअरवेज, नेपाल एअरलाइन्स र टर्किस एअरलाइन्समार्फत) बाट ट्रान्जिट मिलाएर जान सक्नुहुन्छ र जान मिल्छ ।”

दूतावासले अगाडि भनेको छ– “यससम्बन्धी सूचना दूतावासले जुन १, २०२१ मै यही फेसबुक पेजमा राखिसकेको व्यहोरा पनि जानकारी गराइन्छ ।”

https://www.facebook.com/nepalembassysaudiarabia/