काठमाडौं । नेकपा (एमाले) को नेपाल–खनाल पक्षका सांसदहरुले सामुहिक राजीनामा दिने तयारी गरेका छन् । पार्टी अध्यक्षसमेत रहेका प्रधानमन्त्री केपी शर्मा ओलीले विश्वासको मत लिनु अघि नेपाल पक्षीय सांसदहरुले सामुहिक राजीनामा दिने तयारी गरेका हुन् ।
भोलि (सोमबार) प्रधानमन्त्री केपी शर्मा ओलीले संसदबाट विश्वासको मत लिने कार्यक्रम छ । विश्वासको मतका विपक्षमा मत दिने वा राजीनामा दिने भन्ने विषयमा नेताहरुबीच भएको छलफलपछि राजीनामा दिने निष्कर्षमा खनाल–नेपाल पक्ष पुगेको हो । यद्यपी त्यसको अन्तिम निर्णय आज बस्ने स्थायी समिति बैठकले लगाउने छ ।
केही दिन यता ओली र नेपाल दुवै पक्षका नेताहरुबीच भएको वार्तामा सहमति नभएपछि नेताहरुले राजीनामाको विकल्प रोजेका हुन् । सर्वोच्च अदालतको फैसला बमोजिम २०७५ जेठ २ अघिको अवस्थामा फर्कनुपिर्ने नेपाल पक्षको अडान छ भने ओली पक्ष सो अवस्थामा फर्कन तयार छैन ।
सर्वोच्च अदालतको फैसलाअनुसार नेकपाबाट एमाले अलग भएपछि अध्यक्ष ओली पक्षले गत फागुन २८ गते आफूपक्षीय केन्द्रीय कमिटी बैठक राखेर अध्यक्ष (आफू) र महासचिव (ईश्वर पोखरेल) बाहेक अन्य सबै पदाधिकारीको पद खारेज गराएको छ भने माधव नेपाल–झलनाथ खनाल पक्षका सबै नेतालाई पार्टीमा जिम्मेवारीविहीन बनाउँदै गृहमन्त्री रामबहादुर थापासहित आफूतर्फ आएका माओवादी केन्द्रका २३ नेतालाई केन्द्रीय सदस्य थपेको छ ।
यद्यपी नेपाल पक्षका केही सांसदहरुले भने अहिले राजीनामा दिन नहुने बताएका छन् । प्रधानमन्त्री केपी शर्मा ओलीले जेठ २ मा फर्कन इन्कार गर्दै आफ्नो ढिपी नत्यागेको भन्दै वरिष्ठ नेता झलनाथ खनाल र माधवकुमार नेपाल पक्षले सामूहिक राजीनामाको तयारी गरिरहँदा सांसद राजबहादुर बुढाले अझै सम्भावना बाँकी रहेको बताउनुभएको हो ।
दैलेख–२ बाट निर्वाचित सांसद बुढाले अहिल्यै राजीनामा दिइनहाल्न सांसदहरूलाई सुझाव दिएको बताइएको छ ।
यी हुन् नेपाल–खनाल पक्षीय सांसद :
प्रत्यक्ष निर्वाचित सांसद– २२
१. झलनाथ खनाल
२. माधवकुमार नेपाल
३. भीम रावल
४. सुरेन्द्र पाण्डे
५. घनश्याम भुसाल
६. योगेश भट्टराई
७. गोकर्ण विष्ट
८. कृष्णलाल महर्जन
९. विरोध खतिवडा
१०. गणेश पहाडी
११. दीपकप्रसाद भट्ट
१२. भवानीप्रसाद खापुङ
१३. जयकुमार राई
१४. पवित्रा निरौला
१५. नारायण खतिवडा
१६. जीवनराम श्रेष्ठ
१७. हिराचन्द्र केसी
१८. सोमप्रसाद पाण्डे
१९. मेठमणि चौधरी
२०. झपट रावल
२१. यज्ञराज सुनुवार
२२. राजबहादुर बुढारामकुमारी
समानुपातिक सांसद– १२
१. रामकुमारी झाँक्री
२. बिनादेवी बुढाथोकी मगर
३. मुकुन्द न्यौपाने
४. कल्याणीकुमारी खड्का
५. गंगा चौधरी सत्गौवा
६. लक्ष्मीकुमारी चौधरी
७. निरादेवी जैरु
८. पुष्पाकुमारी कर्ण यादव
९. समिना हुसेन
१०. कालिला खान
११. सरलाकुमारी यादव
