खिमराज चालिसे, चंडिगढ
मूल प्रवाह अखिल भारत नेपाली एकता समाजका कोषाध्यक्ष एवम् प्रवासी नेपालीका प्रिय नेता रुकबहादुर केसीको स्मृतिमा भारतका विभिन्न स्थानमा शोक सभाको आयोजना गरिएको छ । मूल प्रवाह केन्द्रीय समितिले घोषणा गरेको शोक सप्ताह अन्तर्गत भारतका विभिन्न शहरमा श्रद्धाञ्जली सभाको आयोजना गरी नेता केसीप्रति सम्मान प्रकट गर्नेक्रम जारी छ ।
रोपड
मूल प्रवाह सुदूरपश्चिमोत्तर क्षेत्रको रोपड नगर समितिले पनि प्रत्यक्ष कार्यक्रम गरि शोकसभा सम्पन्न गरेको छ । कार्यक्रममा नेता केसीप्रति दुई मिनट मौनधारण गरि श्रञ्द्धाजली अर्पण गरिएको थियो ।
शोक मन्तव्य दिने वक्ताहरुमा मूल प्रवाहका केन्द्रीय सदस्य एवम् सुदूरपश्चिमोत्तर क्षेत्रीय अध्यक्ष प्रेम सापकोटा, महिला क्षेत्रीय विभागकी अध्यक्ष सिता सापकोटा, क्षेत्रीय सदस्यहरु शिवलाल लामिछाने, मञ्जु थापा, नगरसमितिका लालबहादुर थापा, लक्ष्मी गुरुङ, प्रजापती सापकोटा, कलाधर सापकोटा, भक्तबहादुर थापा लगायत हुनुहुन्थ्यो ।
कार्यक्रम दयाराम लामिछानेको अध्यक्षतामा तथा नगर सचिव बिष्णु गुरुङको सञ्चालनमा सम्पन्न गरिएको थियो ।
जालन्धर
यसैगरी मूलप्रवाह अखिल भारत नेपाली एकता समाज सुदूरपश्चिमोत्तर क्षत्रीय समितिद्वारा सञ्चालित नगर समिति जालन्धरको आयोजनामा शोकसभा सम्पन्न गरिएको छ । केसीको तस्बीरमा पुष्प अर्पित तथा २ मिनटको मौनधारण गरि श्रञ्द्धाजली दिइएको थियो ।
कार्यक्रमको अध्यक्षता दिल बहादुर गाहाले गर्नुभएको थियो । कोरोना महामारीको कारण उपस्थिति हुन नसकेका नेता कार्यकर्तालाई बेलुका ७ः१५ बजे यथास्थानबाट मौनधारण गरी श्रञ्द्धाजलि दिन आग्रह गरिएको केन्द्रीय सदस्य कुलबहादुर बगालेले जानकारी दिनुभयो ।
जोवाई
यता जोवाई नगरसमितिले पनि एक कार्यक्रमको आयोजना गरी नेता केसीप्रति श्रद्धाञ्जली अर्पण गरेको छ । नगर अध्यक्ष थानेश्वर पाण्डेको अध्यक्षता तथा क्षेत्रीय सदस्य मधु शर्माको प्रमुख आतिथ्यतामा कार्यक्रम सम्पन्न भएको थियो ।
कार्यक्रममा अर्जुन खनाल, गोपिराम सुनार, थानेश्वर पाण्डे, कृष्ण कँडेल, जमुना खत्री, हर्कबहादुर सुनार, विष्णु शर्मा, विना क्षेत्री, दामु लिम्बु, दीपक श्रेत्री, ज्ञानप्रसाद शर्मा लगायत नेता कार्यकर्ताहरुले केसीको तस्बिरमा माल्यार्पण गरी श्रद्धा प्रकट गर्नुभएको थियो ।
पूर्वी भारत क्षत्रीय समिति
भारत मूल प्रवाह अखिल भारत नेपाली एकता समाज पूर्वी भारत क्षेत्रीय समितिले भर्चुअल माध्यमबाट रुकबहादुर केसीको सम्झनामा शोकसभाको आयोजना गरिएको छ । मूल प्रवाहका केन्द्रीय उपाध्यक्ष कपिल खनाल र पूर्वी भारत क्षेत्रीय अध्यक्ष हरिप्रसादको अथिति आशनग्रहण पश्चात एक मिनट मौन धारण गरी श्रञ्द्धाजली दिइएको थियो ।
कार्यक्रममा रुकबहादुर केसीले संगठनलाई पुराउनु भएको योगदान र अल्पायुमा उहाँको मृत्युले पुराएको क्षतिबारे चर्चा गरिएको थियो । शोकमन्तव्य दिने वक्ताहरुमा मूल प्रवाहका केन्द्रीय उपाध्यक्ष कपिल खनाल, पुर्वी भारत अध्यक्ष हरिप्रसाद शर्मा, राँचीबाट इन्द्रबहादुर थापा, भुवनेश्वरबाट थम्मन जिसी, रेकम जिसी, केन्द्रीय सदस्य गिरिराज परियार, केन्द्रीय सदस्य हेमकुमार थापा, केन्द्रीय प्रतिनिधि शम्मरबहादुर माझी, कटकबाट शिवकुमार सुतार, विष्णु श्रीनेत, कोलकाताबाट धनबहादुर भुसाल, रामबहादुर जिसी लगायत हुनुहुन्थ्यो ।
कार्यक्रम विष्णु श्रीनेतको सञ्चालन तथा रेकम जीसीको अध्यक्षतामा सम्पन्न गरिएको थियो ।
मूल प्रवाहका कोषाध्यक्ष रुकबहादुर केसीको कोरोना संक्रमणबाट निधन
मूल प्रवाहका कोषाध्यक्ष केसीको स्मृतिमा भारतब्यापी शोकसभा
