खिमराज चालिसे (चंडिगढ), ठाकुर खनाल (गुडगावंँ) र बेलबहादुर रजाली (मध्य पश्चिमोत्तर)।
मूल प्रवाह अखिल भारत नेपाली एकता समाजका केन्द्रीय कोषाध्यक्ष रुकबहादुर केसीको स्मृतिमा भारतका विभिन्न स्थानमा शोक सभा गरी उहाँप्रति श्रद्धाञ्जली अर्पण गरिएको छ । मूल प्रवाह केन्द्रीय समितिले घोषणा गरेको शोकसप्ताह अन्तर्गत भारतव्यापी विभिन्न नगर समितीको आयोजनामा शोकसभा गरी नेता केसीको स्मरण गरिएको हो । यसै क्रममा मूल प्रवाह सुदूरपश्चीमोत्तर क्षेत्रको हिसार नगर समितीले एक कार्यक्रमको आयोजना गरि शोकसभा सम्पन्न गरेको छ ।
कार्यक्रममा क्षेत्रीय सदस्य आत्माराम न्यौपाने र महिला नगर संयोजक निरु सारुले केन्द्रीय नेता केसीको निधनले संगठनमा पुग्न गएको अपुरणीय क्षति र दुखद समयमा शोकलाई शक्तिमा बदल्न प्रण गरौं भन्दै शोकमन्तव्य दिनुभएको थियो ।
नगर अध्यक्ष नन्दबहादुर लम्तरीको अध्यक्षता तथा नगर सचिव तारा सोमारेको सञ्चालनमा कार्यक्रम सम्पन्न गरिएको थियो । कार्यक्रममा २ मिनटको मौनधारण गरि स्व रुकबहादुर केसीलाइ श्रद्वाञ्जली दिइएको थियो।
गुडगावंमा
यता मूल प्रवाह पश्चिमोत्तर क्षेत्रको गुडगावं नगर समितिको आयोजनामा शोक सभाको आयोजना गरिएको छ । गोपाल भट्टाराईको अध्यक्षता तथा सुरज गतराजको सञ्चालनमा नेता केसीको शोक सभा मनाइएको हो ।
एक मिनट मौनधारण पश्चात पछि शोक मन्तव्य दिने वक्ताहरुमा केन्द्रीय सदस्य राम बहादुर विक, महिला विभागकी सुमित्रा थापा, गिता विक, चुमा गौतम, समुन्दर गौतम, शिव थापा, दिल बहादुर विक, विनोद विक लगायत रहनु भएको थियो ।
मध्य पश्चिमोत्तर क्षेत्र
बेलबहादुर रजाली
त्यसैगरी एकता समाज मध्य पश्चिमोत्तर क्षेत्रीय समितिको आयोजनामा नेता रुकबहादुर केसीको सम्झनामा श्रद्धान्जलि सभा सम्पन्न भएको छ ।
कोरोनाका कारण जताततै कर्फ्यू लागेकाले भर्चुअल माध्यमबाट सम्पन्न सो श्रद्धान्जली सभा मध्य पश्चिमोत्तर क्षेत्रीय समितिका अध्यक्ष बेलबहादुर रजालीको अध्यक्षता, सचिव नारायण ज्ञवालीको सञ्चालन तथा सह–सचिव ईश्वरी आचार्यको स्वागत मन्तव्यबाट शुरू भएको थियो ।
कार्यक्रममा रुक बहादुर केसीको सम्झनामा एक मिनेट मौन धारण पछि केन्द्रीय उपाध्यक्ष कपिल खनालले रुकबहादुर केसीले संगठनमा दिनु भएको योगदान बारे चर्चा गर्दै उहाँका अधुरा सपना पूरा गर्ने कोशिस गरे मात्रै उहाँप्रति सच्चा श्रद्धांजलि हुने बताउनु भयो । साथै यो दुखको घड़ीमा शोकाकुल परिवारप्रति समवेदना प्रकट गर्दै यो शोकलाई शक्तिमा बदल्नु पर्ने बताउनु भयो ।
त्यसैगरी अन्य वक्ताहरुमा केन्द्रीय सदस्य मोहन गिरी, विद्यार्थी संघ केन्द्रीय सह–सचिव कृष्टी राई, रक्तिम केन्द्रीय विभागका सचिव रिम राना, महिला क्षेत्रीय विभागकी सदस्य चंद्रा बस्नेत, जयपुर उत्तरबाट नारायण पौडेल, जयपुर दक्षिणबाट ओम थापा, मूल प्रवाह भिवाडी नगर अध्यक्ष काजीराम श्रेष्ठ, रामप्रसाद घिमिरे (भिवाडी), किशोर राई (भिवाडी) ले शोक मन्तव्य राख्दै मान्छे जन्मदा मृत्युलाई पनि सँगै लिएर आए पनि यसरी अल्पायुमै हुने असामयिक निधनले परिवार र संगठनको लागि ठूलो पीड़ा हुने र त्यो पीड़ा बिर्सन लामो समय लाग्ने बताउनु भएको थियो ।
