दुर्गा थापा,बागलुङ ।
अखिल नेपाल युवक संघ बरेङ–५ सुखौराको भेला आइतबार सम्पन्न भएको छ । कार्यक्रमका प्रमुख अतिथि युवक संघका गण्डकी प्रदेश सचिव संजाल शर्माले प्रशिक्षण मन्तव्यका क्रममा नेपाली युवाहरूलाई सरकारले बेवास्ता गर्दा झन–झन समस्या फस्दै गएको बताउदै रोजगारीको लागि बिदेश नै जानुपर्ने बाध्यता सरकारले पारेकोले रेमिट्यान्सले मुलुक समृद्धि नहुने उहाँले बताउनु भयो ।
साथै उहाँले देश बिकासको मेरुदण्ड युवा भएको हुदा युवाको सिप, क्षमता र साहसलाई राज्यले कहाँ प्रयोग गर्ने त्यसको योजना बनाई युवालाई परिचालन गर्न नसक्दा जनताको जनजिवनमा असर परेको बताउनु भयो। मन्तव्य कै क्रममा शर्माले युवाको हक अधिकार खोजी गर्न, अन्याय, अत्याचार र शोषण, दमन र भ्रस्टाचार विरुद्ध युवाहरू सचेत र संगठित प्रकाले आन्दोलित हुन समेत उहाँले अनुरोध गर्नु भयो।
कार्यक्रममा अतिथिहरु युवक संघका बरेङ गाउँ पालिकाका अध्यक्ष तथा जिल्ला सदस्य दुर्गा थापा, युवक संघका पालिका सल्लाहकार नारायण शर्मा, रक्तिम साँस्कृतिक अभियानका पूर्व केन्द्रीय कलाकार कुशुम पुन लागाएतले भेला सफलताको शुभकामना दिनुभएको थियो। भेलामा युवक संघ सुखौराका संस्थापन अध्यक्ष रन बहादुर थापा समेतको आतिथ्यता रहेको थियो।
प्रशिक्षण भेलाले तुफान खत्री अध्यक्षता २१ पूर्ण र ५ सल्लाहकार रहेको अखिल नेपाल युवक संघ वडा समिति सुखौरा चयन गरेको छ । जसको उपाध्यक्ष तुफान पुन, सचिव मदन अर्मेजा, कोषाध्यक्ष रन्जना थापा रहनु भएको छ ।
सदस्यहरुमा सुस्मी पुन, जमुना पुन, रश्मि पुन, जागृती शेर्पुजा, जस्मिता सेर्पुजा, रेशम शेर्पुजा, सरोज पुजा, पर्वल शेर्पुजा, सागर पुन, इश्वर पुन, सुजन खत्री, रोशन पुन, भुवन पुर्जा, रेशम अर्मेजा हुनुहुन्छ भने राज बहादुर शेर्पुजा, रबिन शेर्पुजा, पर्वत अर्मेजा, प्रकाश थापा, प्रेम सुनार रहेको ५ सदस्य सल्लाहकार समेत अनुमोदन गरेको छ।
युवक संघ बरेङ–५ का अध्यक्ष हेमन्त खत्रीको अध्यक्षता सुरु भएको भेलाको स्वागत पृजन शेर्पुजाले गर्नु भएको थियो भने सञ्चालन तुफान पुनले गर्नु भएको थियो । युवक संघ बाग्लुङको ११ औं जिल्ला सम्मेलन २०७८ बैशाख २४ र २५ गते गलकोटमा सम्पन्न हुँदै छ।
