गिरीप्रसाद बुढा, रुकुमकोट ।
राप्ती साहित्य परिषद् जिल्ला शाखा रुकुमपूर्वको प्रथम साधारण सभा जिल्ला सदरमुकाम रुकुमकोटमा २०७८ वैशाख ४ गते रूपमा सम्पन्न भएको छ ।
राप्ती साहित्य परिषदका केन्द्रीय उपाध्यक्ष मनलाल ओलीको प्रमुख आतिथ्यता रहेको उक्त कार्यक्रममा अन्य अतिथिहरूमा प्रगतिशील लेखक सङ्घ कर्णाली प्रदेशका अध्यक्ष गिरीप्रसाद बुढा, राजनीतिज्ञ तथा समाजसेवी नन्दलाल शर्मा, राजनीतिज्ञ तथा समाजसेवी भीमबहादुर खड्का, राजनीतिज्ञ तथा समाजसेवी टोपबहादुर ओली, रेडियो पूर्वी रुकुमका स्टेसन म्यानेजर अमित पुन, वन महासङ्घका अध्यक्ष विष्णु देवकोटा, पत्रकारहरू विक्रम परियार, प्रभात गुरुङ, मीना केसी, जमुना गौतम, सर्जना कार्कीलगायतका हुनुहुन्थ्यो ।
कार्यक्रममा उर्मिला गौतम, चेतकुमार बिसी, टीकाराम उपाध्य, मोहनबहादुर केसी, भूवनेश्वर उपाध्या, शिवकुमार शाही, गोबिन्द पुन गिरीश, अटल गौतम, अनुजा गौतमलगायत करिब दर्जनभन्दा बढी स्रस्टाहरूले रचना वाचन गर्नुभएको थियो ।
राप्ती साहित्य परिषद् जिल्ला शाखा रुकुम पश्चिम तदर्थ समितिका संयोजक साहित्यकार फट्टेकुमारी ओलीको अध्यक्षता तथा शाखाका सदस्य कमानसिं विष्टको सञ्चालन रहेको यस कार्यक्रमको उद्घाटनपश्चात सुरु भएको बन्दसत्र कार्यक्रमबाट अध्यक्ष, उपाध्यक्ष, सचिव, सहसचिव, कोषाध्यक्ष र सदस्यहरूमा क्रमशः कमानिसंह विष्ट, जमुना गौतम, शिवकुमार शाही, प्रभात गुरुङ, गोविन्द पुन गिरिश, अमित पुन, उर्मिला गौतम, डिकेन्द्र कुमार शाह र भावना खड्का “काली“ निर्वाचित हुनुभएको छ भने सल्लाहकारमा फट्टेकुमारी ओली, भूवनेश्वर उपाध्याय, मोहन केसी र वसन्त पुन निर्वाचित हुनुभएको छ ।
