बागलुङ । अखिल नेपाल शिक्षक संघ बागलुङले आगामी २०७८ वैशाख १७ र १८ गते बुर्तिबाङमा सम्पन्न हुन गईरहेको चौथो जिल्ला सम्मेलन तयारीको पूर्वसन्ध्यामा आफ्नो गतिविधिलाई तीव्र पारेको छ । यसैक्रममा शनिबार (चैत २८ गते) संघको गलकोट नगरस्तरीय दोश्रो नगर भेला सम्पन्न भएको छ ।
‘सम्पूर्ण शिक्षकहरु एक हौऔं, शैक्षिक तदर्थवादको अन्त्य गरौं, शैक्षिक गुणस्तर तथा पेशागत अधिकारका लागि संघर्ष गरौं’ भन्ने मूल नाराका साथ गलकोटको गल्याङमा कार्यक्रम सम्पन्न भएको हो ।
भेलाको उद्घाटन गर्दै प्रमुख अतिथि राष्ट्रिय जनमोर्चाका केन्द्रीय सल्लाहकार बेदिलाल सापकोटाले शिक्षकहरु पठनपाठनमा मात्र सिमित नभई अनुशासित र कर्तव्यनिष्ठ बन्नु पर्ने बताउनुभयो । उहाँले अन्य शिक्षकहरु भन्दा अखिल नेपाल शिक्षक संघमा आबद्ध शिक्षकहरुले छुट्टै पहिचान दिनु पर्नेमा जोड दिनुभयो ।
भेलामा नेपाल शिक्षक महासंघका केन्द्रीय सदस्य सुनमाया ढकाल, राष्ट्रिय जनमोर्चा बागलुङका सदस्य पदम श्रेष्ठ, जिल्ला सल्लाहकार टंक केसी, गलकोट नगर शिक्षा समिति सदस्य बद्री ढकाल, अखिल नेपाल महिला संघ गलकोटका अध्यक्ष देवी खत्री, अखिल नेपाल शिक्षक संघ बागलुङका सदस्य भीम पुन लगायतले शुभकामना मन्तव्य दिनु भएको थियो ।
भेलाले सोमलाल सापकोटाको अध्यक्षतामा ७ सल्लाहकारसहित २१ सदस्यीय अखिल नेपाल शिक्षक संघ गलकोट नगर समिति चयन गरेको छ । जसको उपाध्यक्ष भीम पुन, महिला उपाध्यक्ष कविता शर्मा, सचिव शेरबहादुर थापा, सहसचिव नरेन्द्र पुन, कोषाध्यक्ष जयलाल चालिसे चयन हुनुभएको छ । सदस्यहरुमा टिकाराम कडेल, भीम शर्मा, माया पौडेल, बिष्णु गौतम, प्रकाश चालिसे, कुलराज शर्मा, डोल बहादुर केसी, मतिलाल गौतम, रामकान्त गौतम, रेशम राना, साबित्रा थापा, भक्तबहादुर थापा, दलबहादुर पुन, दिनेश खत्री, मिरा विक, तथा सल्लाहकारमा बद्री ढकाल, टंकबहादुर केसी, पुस्कर सापकोटा, सुनमाया ढकाल र पूर्ण चोखाल रहनु भएको छ ।
कार्यक्रम अखिल नेपाल शिक्षक संघ गलकोटका अध्यक्ष पुष्कर सापकोटाको अध्यक्षता, उपाध्यक्ष शेरबहादुर थापाको स्वागत र सहसचिव सोमलाल सापकोटाको सञ्चालनमा सम्पन्न भएको थियो ।
कार्यक्रममा राष्ट्रिय जनमोर्चा बागलुङका सदस्य बिष्णु बस्नेत, अखिल (छैठौं) बागलुङका अध्यक्ष गणेश सापकोटा, अखिल नेपाल युवक संघ बागलुङका सदस्य मनिष कँडेल, रक्तिम सांस्कृतिक परिवारका केन्द्रीय सदस्य बिमल पाण्डे, अखिल नेपाल शिक्षक संघ बागलुङका सदस्य पूर्ण चोखाल, अखिल नेपाल शिक्षक संघ काठेखोलाका उपाध्यक्ष हेमराज सुबेदी, अखिल नेपाल महिला संघ गलकोटका सदस्य भीमा खत्री लगायतको आतित्थ्यता रहेको थियो ।
