साझा प्यानललाई मतदान गर्न प्रगतिशीलको अपिल

मङ्गलबार, चैत २४, २०७७ मा प्रकाशित

काठमाडौं । प्रगतिशील पत्रकार संघ, नेपालले भोलि (चैत २५ गते) हुने नेपाल पत्रकार महासंघको निर्वाचनमा विपुल पोखरेल नेतृत्वको साझा प्यानललाई मतदान गर्न आग्रह गरेको छ ।

अध्यक्ष उदय जिएमले मंगलबार विज्ञप्ति प्रकाशित गरी केन्द्र, प्रदेश र जिल्ला तीनै तहमा सोही प्यालनलाई मतदान गर्न आग्रह गर्नुभएको हो । अध्यक्ष जिएम पोखरेल नेतृत्वको प्यानलबाट समावेशी उपाध्यक्षको उम्मेदवार हुनुहुन्छ । सो प्यानलबाहिरबाट प्रगतिशीलका सदस्य भाषा शर्मा खुला र सुमन अधिकारी लुम्बिनी प्रदेशबाट केन्द्रीय सदस्यको उम्मेदवार हुनुहुन्छ ।
अध्यक्ष जिएमद्वार जारी विज्ञप्तिमा भनिएको,

‘हामी नेपाली पत्रकारहरुको छाता संस्था नेपाल पत्रकार महासंघमा तीनै तहको निर्वाचनको पूर्वसन्ध्याना छौँ । भोलि चैत २५ गते हुने निर्वाचनमा प्रगतिशील पत्रकार सङ्घ नेपाल पनि विपुल पोख्रेल नेतृत्वको साझा प्यानलमा रहेको सबैलाई अवगत नै छ । त्यसकारण केन्द्र, प्रदेश र जिल्लामा १ मत पनि तलमाथी नहुने गरी सम्पूर्णरुपमा प्यानललाई मतदान गर्न हाम्रा सबै साथीहरुलाई निर्देशन गरिन्छ । प्यानलभन्दा बाहिर मतदान गरेको पाइएमा अनुशासनको कारवाही हुने ब्यहोरा जानकारी गराइन्छ ।’
उदय जीएम
अध्यक्ष
प्रगतिशील पत्रकार संघ, नेपाल