तिलक राना, हैदरावाद ।
गुल्मी जिल्लाको गुल्मीदरबार गाउँपालिका वडा नम्बर २ मजुवा झिरबास निवासी कृष्णबहादुर थापा भारतमा तेलङ्गनाको हैदरावादमा निधन भएपछि मूल प्रवाह अखिल भारत नेपाली एकता समाजले निजको शव नेपाल पठाएको छ ।
२०८३ असोज ७ गते तदनुसार सेप्टेम्बर २३, २०२६ का दिन निधन भएका केशबहादुर थापाका छोरा कृष्णको शव असोज ८ गते मूल प्रवाहले नेपाल पठाएको हो ।
मृतक थापा हैदरावादस्थित चन्द्रनगुट्टामा गोपालप्रसाद श्रेष्ठको होटलमा कार्यरत थिए । राति खानपिन गरी सुतेको तर बिहान मृत फेला परेको गुल्मीदेखि श्रेष्ठले फोनमार्फत मूल प्रवाहलाई जानकारी गराएका थिए ।
मूल प्रवाहका मध्यदक्षिण क्षेत्रीय समितिका सचिव तिलक रानालाई सो खबर प्राप्त भएपछि केन्द्रीय सदस्य तथा मध्यदक्षिण क्षेत्रीय समितिका अध्यक्ष कृष्णबहादुर थापा र हैदरावाद दक्षिण नगर समितिका कोषाध्यक्ष भुपाल ठाडारानाको टिम तुरुन्त घटनास्थलमा पुगेको थियो ।
मूल प्रवाहको टोलीले घटनाबारे छानबिनसँगै प्रहरी प्रक्रिया मिलाउँदै गर्दा मृतकका भाइ दिल्लीदेखि आइपुगेका थिए । परिवारले निजको शव आफ्नै जन्मघर गुल्मी लैजाने इच्छा व्यक्त गरेपछि बाबुराम थापा र सन्तोष थापाको सहकार्यमा त्यसका लागि एम्बुलेन्सको व्यवस्था मिलाइएको थियो ।
मृतक थापाको असामयिक निधनप्रति मूल प्रवाहले श्रद्धाञ्जली तथा शोकसन्तप्त परिवारजनप्रति समवेदना व्यक्त गरेको छ ।
