काठमाडौँ । प्रगतिशील पत्रकार सङ्घ, नेपालले देशका विभिन्न जिल्लाबाट आगामी चैत्र २५ गते हुन गइरहेको नेपाल पत्रकार महासङ्घको चुनावमा मनोनयन दर्ता गराएको छ ।
आज चैत २२ गते देशका विभिन्न जिल्लाबाट मनोनय दर्ता गर्ने तालिकानुसार सङ्गठनका उम्मेदवारले मनोनयन दर्ता गरिएका हुन् ।
युगदर्शनलाई माधव भाटक्षेत्रीले दिनुभएको जानकारीअनुसार कपिलवस्तुमा कोषाध्यक्षमा मोहन बेलबासे र खुल्ला सदस्यमा नारायण भट्टराईको उम्मेदवारी परेको छ । त्यसैगरी, त्यहाँ प्रदेश पार्षदमा केरसिंह अदै, शीतल आचार्य र यज्ञप्रसाद उपाध्यायको उम्मेदवारी परेको छ । त्यहाँ महिला सदस्यमा सृजना खनाल र केन्द्रीय पार्षदमा शशिधर सापकोटा निर्विरोध निर्वाचित हुनुभएको छ ।
त्यस्तै, बागलुङबाट ताराप्रसाद शर्माले दिनुभएको जानकारीअनुसार त्यहाँ सचिवमा विजय राना, खुल्ला सदस्यमा गुम आचार्य, नवीनप्रताप जिसी र जनजाति सदस्यमा प्रसान्त घर्तीमगरको उम्मेदवारी परेको छ । एवम् प्रकारले त्यहाँ केन्द्रीय पार्षदमा किरण आचार्यको र प्रदेश पार्षनमा कविता घर्तीमगरको उम्मेदवारी परेको छ ।
त्यसैगरी, जीतेन्द्र खत्रीले दिनुभएको जानकारी अनुसार अर्घाखाँचीमा महिला उपाध्यक्षमा भगवता पाण्डे, सचिवमा विनोद गैरे र खुल्ला सदस्यमा जीतेन्द्र खत्री र गोपालप्रसाद भट्टराईको उम्मेदवारी परेको छ । एवम् प्रकारले, त्यहाँबाट प्रदेश पार्षदमा देवेन्द्र कुँवर र मेहरसिंह केसीको उम्मेदवारी परेको छ ।
एवम् प्रकारले विनोद पौडेलले दिनुभएउको जानकारीअनुसार बाँकेमा कोषाध्यक्षमा विनोद पौडेल र खुल्ला सदस्यमा शङ्कर लामिछानेको उम्मेदवारी परेको छ । त्यसैगरी, त्यहाँबाट केन्द्रीय पार्षदमा तिलक गाउँलेक्षत्री र प्रदेश पार्षदमा केशव शाहीको उम्मेदवारी परेको छ ।
एवम् प्रकारले, प्युठानबाट प्रज्ज्वल पहाडीले दिनुभएको जानकारीअनुसार त्यहाँ कोषाध्यक्षमा प्रज्ज्वल पहाडी र दलित सदस्यमा लोकेन्द्र सुनारले उम्मेदवारी दिनुभएको छ भने प्रदेश पार्षदमा जुमानसिंह केसीको उम्मेदवारी परेको छ ।
त्यस्तै, महेश रिजालले दिनुभएको जानकारीअनुसार दाङमा खुल्ला सदस्यमा कुलदीप न्यौपाने र प्रदेश पार्षदमा महेश रिजालको उम्मेदवारी परेको छ ।
यता, काठमाडौँमा खुल्ला सदस्यमा लक्ष्मणदेव पाण्डेको र दलित सदस्यमा शोभा नेपालीको उम्मेदवारी परेको छ ।
त्यस्तै, श्यामलाल पोखरेलले दिनुभएको जानकारीअनुसार रुपन्देहीमा सहसचिवमा वीरेन्द्र कुँवरको उम्मेदवारी परेको छ ।
त्यसैगरी, रोल्पाबाट मीनराज रोकाले दिनुभएको जानकारीअनुसार त्यहाँ समावेशी सहसचिवमा प्रतिभा सुनारलाई उम्मेदवार बनाइएको छ ।
एवम् प्रकारले, जीवन शाहीका अनुसार सुर्खेतमा खुल्ला सदस्यमा हस्तराज रेग्मीको उम्मेदवारी परिसकेको छ ।
यसअघि चैत १९ गते प्रदेश समितिको लागि र चैत १४ गते केन्द्रीय समितिका लागि उम्मेदवारी मनोनयन दर्ता भइसकेको छ ।
प्रगतिशील पत्रकार सङ्घले उपर्युक्त सबै तहमा उम्मेदवारी दर्ता गराइसकेको छ ।
