सञ्जाल शर्मा, बागलुङ ।
अखिल नेपाल युवक संघ बाग्लुङको ११औं जिल्ला सम्मेलनको पूर्वसन्ध्यामा बागलुङ नगरपालिका वडा न.१२ को वडा भेला अमलाचौरमा सम्पन्न भएको छ ।
कार्यक्रमका प्रमुख युवक संघका गण्डकी प्रदेश सचिव संजाल शर्माले उदघाटन गर्दै नेपाली युवाहरू आफ्नो हक अधिकारको खोजीका निम्ति सचेत र संगठित हुनुपर्ने बताउनुभयो । उहाँले रोजगारीको लागि विदेश नै जानुपर्ने युवाको बाध्यता रहेकोले गाउँहरु युवाविहीन हुँदै जाँदा देश समृद्धिको बाटोमा जान नसक्ने बताउनुभयो । युवाको सिप, क्षमता र साहसलाई राज्यले चिन्न नसकेको जिकिर गर्दै शर्माले रेमिट्यान्सले मात्र मुलुक समृद्ध नहुने बताउनु भयो ।
कार्यक्रममा राष्ट्रिय जनमोर्चाका जिल्ला सदस्य लोकनाथ शर्मा, वडा अध्यक्ष घनश्याम सुनार, अखिल नेपाल व्यापार संघका नगर सदस्य भक्त सुनार र युवक संघ नारायणस्थानका सचिव सुमन गौतम लगाएतका अथितीहरुले भेला सफलताको शुभकामना दिनु भएको थियो । भेलामा राजमो स्थानीय नेता हरि पौडेल समेतको आथित्यता रहेको थियो ।
भेलाले रमेश शर्माको अध्यक्षता ७ पूर्ण, २ वैकल्पिक र ३ सल्लाहकार रहेको अखिल नेपाल युवक संघ वडा समिति अमलाचौर, चयन गरेको छ । समितिको सचिव बबिता रामधाम र कोषाध्यक्षमा प्रकाश पौडेल रहनुभएको छ । सदस्यहरुमा बिनोद पौडेल, दिपेन्द्र शर्मा, सागर सुनार र संगीता आचार्य तथा वैकल्पिक सदस्यमा भवानी नेपाली र यज्ञबहादुर नेपाली चय हुनु भएको छ । त्यसैगरी सल्लाहकारमा ऋषिराम शर्मा, सुजाता शर्मा, कृष्ण चापागाईं रहनु भएको छ ।
रमेश शर्माको अध्यक्षतामा सुरु भएको भेलाको स्वागत दिपेन्द्र शर्माले गर्नु भएको थियो भने सञ्चालन बबिता रामदामले गर्नु भएको थियो ।
नवनिर्वाचित समितिलाई राजमो वडा सचिव विपिन शर्माले बधाई ज्ञापन गर्नु भएको थियो भने नवनिर्वाचित अध्यक्षले प्रतिबद्धता व्यक्त गर्नुभएको थियो ।
अखिल नेपाल युवक संघ बाग्लुङको ११ औं जिल्ला सम्मेलनको पूर्व सन्ध्यामा चैत मसान्तसम्म जिल्लाका सम्पूर्ण वडा भेला गर्ने युवक संघ बाग्लुङले जनाएको छ । सम्मेलन २०७८ वैशाख २४ र २५ गते गलकोटमा सम्पन्न हुँदैछ ।
