तिलक थापा,बागलुङ ।
राष्ट्रिय जनमोर्चा बागलुङले राष्ट्रिय जनमोर्चा बागलुङले दोश्रो चरणको विशेष संगठनात्मक अभियान धम्जामा सम्पन्न गरेको छ । ‘गणतन्त्र, राष्ट्रियता र धर्मनिरपेक्षताको रक्षा गरौं, संघीयता र भ्रष्टाचारका विरुद्ध संघर्ष गरौं’ भन्ने मूल नाराका साथ अभियान सञ्चालन गरिएको हो ।
कार्यक्रममा राजमोका राष्ट्रिय परिषद सदस्य तथा अखिल नेपाल युवक संघका पूर्व केन्द्रीय अध्यक्ष तिलक थापाले सम्बोधन गर्नुभएको थियो ।
मन्तब्यको क्रममा उहाँले सर्वोच्च अदालतको संसद पुनःस्थापना गर्ने फैसलाले प्रधानमन्त्री ओलीको असंवैधानिक कदमलाई असफल पारिदिनु स्वागत योग्य कदम हो भन्दै सत्ता गठबन्धनको चलखेल सँगै हुने राजनैतिक अस्थिरताले गणतन्त्र, राष्ट्रियता र धर्म निरपेक्षता खतरामा रहेकोले सतर्क रहन आग्रह गर्नुभयो ।
कार्यक्रममा राष्ट्रिय जनमोर्चा बागलुङका सचिवालय सदस्य तथा काठेखोलाका अध्यक्ष लक्षमण पुन, जातीय समता समाज बागलुङका सचिव एवं काठेखोला गाउँ कार्यपालिका सदस्य टिका संगम बिक, अखिल नेपाल शिक्षक संघका कुलदिप क्षेत्री, राजमो धम्जाका रनबहादुर पुन लगायतले मन्तब्य राख्नु भएको थियो ।
कार्यक्रम राष्ट्रिय जनमोर्चा धम्जाका अध्यक्ष पूर्णबहादुर थापाको अध्यक्षता, सुनील कुमार खत्रीको स्वागत मन्तव्य र राष्ट्रिय जनमोर्चा धम्जाका सचिव उमेश थापाको सन्चालनमा सम्पन भएको थियो ।
