जनक बिसी
इतिहासदेखि जनताका दुस्मनहरूले
राष्ट्रघात जनघात गरिरहेका छन्
जब राज्य सत्तामा जाने गर्दछन्,
जनतासँग खाएका कसमरु धरापमा पारेका छन् ।

पानीले संसारमा दोस्रो नम्बर धनी देश
हावाले बिजुली उत्पादन गर्ने
समृद्ध देश बनाउँछु
यी सम्पूर्ण झुटा गफमा
बलात्कार, हत्या, महङ्गी
देशको ढाडै भाचेका छौ ।

इतिहासमा छिमेकी भारतीय साम्राज्यवादसँग
गरेको १९५० को सन्धिलाई हेरेका छौ वा छैनौं ?
महाकाली सन्धि, टनकपुर सन्धिलगायतका
राष्ट्रघाती सन्धिहरूमा नजर लगाएका छौ वा छैनौ ?
सीमानामा नेपाली भूमिको संरक्षण खोई ?

देश बनाउछु भन्ने षड्यन्त्रको जालमा
देश सङ्कटको भुमरीमा फसाउने
दुईतिहाइ जनताको अभिमतको कत्त्लेयाम गर्ने
भित्रभित्रै षड्यन्त्रको पर्दाफासको तयारी गरेर
मसाल राँको बालेर अघि अघि बढिरहयो ।

जनताका दुस्मन जनघात गरिरहेका छन्
सर्वोच्च अदालतले संसद पुनरस्थापना गरेर
जनहितको पक्षमा फैसला दियो
देश बचाउन जनताको जित भयो
राष्ट्रपती प्रधानमन्त्रीजस्तो गरिमामय संस्था
संसारभरि बदनाम भयो
अप्रजातान्त्रिक प्रतिगामी षड्यन्त्र असफल भयो
राष्ट्रियता, गणतन्त्र धर्म निरपेक्षता बचाउन
जनताको जित भयो ।