पुष्कर भट्ट, महेन्द्रनगर ।
कञ्चनपुरको वेदकोट नगरपालिका वडा नम्बर ८ बैजनाथ टोलमा राष्ट्रिय जनमोर्चाको ३ नम्बर टोल भेला सम्पन्न भएको छ । भेलाले माया लुहारको संयोजकत्वमा १३ सदस्यीय टोल समिति गठन गरेको छ । समितिको सहसंयोजकमा सुन्दर सिंह महरा, सचिव बबिता विष्ट र कोषाध्यक्षमा हरिना लुहार रहनुभएको छ ।

अखिल (छैठौं) का महासचिव महेशराज जोशीको विशेष उपस्थितिमा सम्पन्न भेलामा अखिल नेपाल युवक संघ सुदूरपश्चिम प्रदेश सदस्य भुपेन्द्र भण्डारी, ‌राजमो नेता मानबहादुर टेर, नरेन्द्र साउदलगायत नेता कार्यकर्ताको उपस्थिति रहेको थियो ।

राजमो वडा सहसचिव गणेश नाथको अध्यक्षता र अखिल (छैठौं) का जिल्ला सचिव पुष्कर भट्टको सञ्चालनमा कार्यक्रम सम्पन्न भएको थियो ।