नवीन केसी, झिमरुक ।
बैतडी दोगडाकेदार–७ चडेपानीकी १७ वर्षीया छात्रा भागरथी भट्टको बलात्कारपछि हत्यामा संलग्नलाई कारबाहीको माग गदै अखिल (छैठौं)ले आज पनि प्रदर्शन गरेको छ । प्यूठानको बालशिक्षा माध्यमिक विद्यालबाट सुरु भई झिमरुक गाउँपालिकाको मच्छी बजारमा पुगेर विरोध र्याली कोणसभामा परिणत भएको थियो ।
विरोध कार्यक्रममा भागरथीको हत्याको छानबिनको विषयमा सरकार उदासीन रहेको र यस्ता अपराध हुनै नदिने वातावरण निर्माण गर्नुपर्ने माग गरिएको थियो । ‘भागरथी भट्ट र निर्मला पन्तका हत्यारालाई कारवाही गर, शान्तिसुरक्षा कायम गर, दण्डहीनता अन्त्य गर’ लगायतका नारा लगाएर विद्यालयबाट निस्किएको जुलुसले मच्छी बजार परिक्रमा गरेको थियो ।
कोणसभालाई अखिल (छैठौं) का केन्द्रीय सदस्य चोपबहादुर विक, काठमाडौं जिल्ला अध्यक्ष नविन केसीलगायत नेताहरुले सम्बोधन गर्नुभएको थियो । त्यसक्रममा उहाँहरुले बलात्कार र हत्याका घटनाका अभियुक्तलाई कारबाहीको दायरामा नल्याउँदा घटनामा संगलन अपराधीको मनोबल बढेको बताउनु भयो ।
सरकारको उदासीनता जनतालाई स्वीकार्य नभएको भन्दै अखिल (छैठौं)ले अन्याय, अत्याचारको विरुद्धमा सधै लडिरहने प्रतिबद्धता व्यक्त समेत व्यक्त गर्नु भयो । भागरथी भट्टका हत्यारालाई कारवाही नहुँदासम्म आन्दोलन जारी रहने नेता केसीले बताउनु भयो ।
अखिल (छैठौं)ले भागरथी भट्टको बलात्कारपछि भएको हत्यामा संलग्न अपराधीलाई तत्काल पक्राउ गरी कारबाही गर्न माग गर्दै देशव्यापी प्रदर्शन आयोजना गर्दै आएको छ ।
