खिमराज चालिसे, चंडिगढ ।
मूल प्रवाह अखिल भारत नेपाली एकता समाजका अध्यक्ष दुर्गाबहादुर केसीले देशमा प्रतिगमनको खतरा, राष्ट्रियता, गणतन्त्र र धर्मनिरपेक्षता संकटमा परेको बेलामा अन्तर्राष्ट्रिय रुपमा कमजोर रहेको श्रमजीवीहरुको आन्दोलनलाई अझै सशक्त बनाउनुपर्नेमा जोड दिनु भएको छ ।
मूल प्रवाह हिसार नगरसमितिको ४१ औँ स्थापना दिवस कार्यक्रमको उद्घाटन गर्दै अन्तर्राष्ट्रिय नेपाली एकता समाजका अध्यक्षसमेत रहेका केसीले मूल प्रवाहको गौरवमय सांगठनिक यात्रालाई नयाँ पिंढीमाझ अध्ययन, प्रशिक्षणले सुसज्जित पार्नुपर्ने बताउनुभयो ।
सभालाई सम्बोधन गर्ने अन्य वक्ताहरुमा नेपाली समाचारका सहसम्पादक तथा केन्द्रीय सल्लाहकार धनवीर पुन, केन्द्रीय सदस्य एवम् सुदूरपश्चीमोत्तर क्षेत्रीय सचिव त्रिभुवन भट्टराई, केन्द्रीय सदस्य दिनेश खड्का, केन्द्रीय सल्लाहकार देवीप्रसाद पौडयाल, केन्द्रीय सल्लाहकार एंव नेपाली समाचारका संयोजक खिमराज चालिसे, महिला क्षेत्रीय विभागकी कोषाध्यक्ष सुनिता भट्टराई, र सिरसा नगर समितीका शंकर गौतम, हिसार नगरसमितीक अन्तर्गत जनजाति विभागका केयरसिंह, महिला नगरकी संयोजक निरु सारु, रक्तिम विभागका योगेन्द्र दर्लामी, विद्यार्थी संघकी रक्षा सोमारे, लाल बहादुर चुदाली, समता विभागका श्यामबहादुर विक र मेसबाट शंकर गौतमलगायत हुनुहुन्थ्यो ।
नगर अध्यक्ष नन्दबहादुर लम्तरीको अध्यक्षतामा तथा नगर सचिव तारा सोमारेको संचालनमा सम्पन्न भएको कार्यक्रममा नगर सदस्य आत्माराम न्यौपानेले स्वागत गर्नुभएको थियो।
कार्यक्रममा प्रमुख अतिथि दुर्गा बहादुर केसीले हिसारका संथापक सदस्य देविप्रसाद पौडयाललाई दोसल्ला ओढाएर सम्मान गर्नुभएको थियो । कार्यक्रमको बिचबिचमा रक्तिम कलाकारहरुले अत्यन्तै जोसीला गीत तथा नृत्य प्रस्तुत गरेका थिए ।
