शंकरप्रसाद पोख्रेल, गुल्मी ।
गुल्मीको कालीगण्डकी गाउँपालिका वडा नं ५ फोक्सिङ चैयाका सिंगो गाउँवासी राष्ट्रिय जनमोर्चामा आवद्ध भएका छन् । पहिलेदेखि नै राजमोको प्रभाव क्षेत्र रहेको सो गाउँका कतिपय स्थानीय बिचमा भूलबस अन्य पार्टीमा संलग्न भएपनि राजमोले निरन्तर रुपमा लिएको राष्ट्रियता र जनतन्त्रप्रतिको मुद्दाका कारण पुरै गाउँबासी राजमोमै आवद्ध भएका हुन् ।

यसैक्रममा गाउँमा सम्पन्न एक भेलाले टोल समितिसमेत गठन गरेको छ । भेलाले जंगबहादुर सारुको अध्यक्षतमा २१ सदस्यीय समिति गठन गरेको हो ।

जस्को उपाध्यक्षमा कुमारी बलाल, सचिव दिपक बलाल, सहसचिव सुसिला सारु र कोषाध्यक्षमा सन्तोष दर्लामी चयन हुनुभएको छ ।
सदस्यहरु दयाराम दर्लामी, ओमप्रसाद सारु, रुपा पुलामी, अम्मि सारु, अम्मि दर्लामी, दिपक पल्ली, वैकल्पिक सदस्य मनबहादुर पुलामी, कला सारु, धन बहादुर सारु, छिंता सिजाली र सल्लाहकारहरुमा, नरसिंह पुलामी, टेकबहादुर सारु, खैसरा सारु, मनबहादुर बलाल, थम्मनसिंह पुलामी रहनुभएको छ ।

भेलामा मूल प्रवाह अखिल भारत नेपाली एकता समाजका केन्द्रीय प्रतिनिधि रामकुमार क्षेत्रीले प्रशिक्षण दिनुभएको थियो । कार्यक्रममा राष्ट्रिय जनमोर्चाका केन्द्रीय सदस्य तथा तथा कालीगण्डकी गाउँपालिकाका उपाध्यक्ष तारा थापा उपस्थित हुनुहुन्थ्यो ।

समाजसेवी थम्मनसिंह पुलामीको आतिथ्यता रहेको कार्यक्रममा नेताहरुले देशको समसामयिक अवस्थाको बारेमा स्पष्ट पार्दै राष्ट्रिय जनमोर्चाले लिएको नीतिबारे जानकारी गराउनुभएको थियो ।