शंकरप्रसाद पोख्रेल/तम्घास ।।
गुल्मकिो कालीगण्डकी गाउँपालिकामा कार्यकर्तास्तरीय भेला सम्पन्न भएको छ ।
राजमो केन्द्रीय सदस्य तथा कालीगण्डकी गाउँपालिकाकी उपाध्यक्ष तारा थापा, मूल प्रवाह अखिल भारत नेपाली एकता समाजका केन्द्रीय सदस्य रामकुमार क्षत्री र अखिल नेपाल शिक्षक सघका कृष्ण ढकालको आतिथ्यतामा सो भेला सम्पन्न भएको हो ।
भेलाको अध्यक्षता राजमो कालीगण्डकी गाउँपालिका समितिका अध्यक्ष गङ्गा केसीले गर्नुभएको थियो भने सञ्चालन चित्रबहादुर पुनले गर्नुभएको थियो ।
भेलाले कालीगण्डकी गाउँपालिकामा आगामी एक महिनाको लागि कार्यक्रम बनाएको छ । कार्यक्रमअन्तर्गत बैठक, समिति गठन/पुनर्गठन, भेला, सम्पूर्ण टोल र गाउँ समितिको भेला, सदस्यता अभियान, विभिन्न मोर्चाको गठन र केपी ओली सरकारको असंवैधानिक कदम वा संसद विघटनको विरोध र संसद पुनःस्थापना गर्न दबाबमूलक कार्यक्रम रहेका छन् ।
रेसुङ्गामा राजमोको नगर भेला
त्यसैगरी, राजमो रेसुङ्गा नगरपालिकाको भेला सम्पन्न भएको छ ।
राजमो अध्यक्ष जीवन रानाको आतिथ्यतामा सम्पन्न भेलाले रेसुङ्गा नगरपालिकामा माघ महिनाभरि सदस्यता वितरण, समिति गठन र विरोध सभा गर्ने भएको छ।
