दिनेश रैदास, दाङ ।
‘गणतन्त्र, धर्मनिरपेक्षता र राष्ट्रियताको रक्षा गरौं, विघटित संसदको पुनर्स्थापना र संघीयताका विरुद्ध संघर्ष गरौं’ भन्ने मूल नारासहित अगाडि बढेको राष्ट्रिय जनमोर्चाले संघर्ष र संगठन निर्माणलाई तीब्रता दिएको छ ।
वार्ड वार्डमा सभा, टोल टोलमा कमिटी अभियान अन्तर्गत आज राजपुर गाउँपालिका वार्ड नं ४ कोम्रेमा सम्पन्न भेलाले राजकुमार विश्वकर्मा (कमल) को अध्यक्षतामा ११ सदस्यीय वार्ड कमिटी गठन गरेको छ ।
समितिको उपाध्यक्षमा फुलमाया भण्डारी, सचिव महेश चौधरी, सहसचिव शूरवीर घर्ती, कोषाध्यक्ष राम फकिरे रैदास र सदस्यहरूमा फुर्तीराम यादव, दिपेन्द्र चौधरी, चेतराम हरिजन, रामदेव भण्डारी रहनु भएको छ । हाल दुई रिक्त स्थान राखिएको छ ।
त्यसैगरी सल्लाहकारमा धर्मदास यादव, जसबहादुर घर्ती, विष्णु हरिजन र जुहरीलाल परियार रहनु भएको छ भने एक रिक्त स्थान राखिएको छ ।
राजकुमार विश्वकर्माको अध्यक्षता तथा रामफकिरे रैदासको स्वागत मन्तव्यबाट शुरु भएको भेलालाई प्रमुख अतिथि तथा राष्ट्रिय जनमोर्चा जिल्ला समिति दाङ देउखुरीका उपाध्यक्ष महेश रिजाल, महेश चौधरी , फुर्तीराम यादव, विष्णु हरिजन, मतिसरा घर्ती लगायतले मन्तव्य दिनु भएको थियो । सहिदप्रति एक मिनेट मौधारण गरी शुरु भएको भेलाको सञ्चालन दिनेश रैदासले गर्नु भएको थियो ।
वार्ड वार्डमा सभा, टोल टोलमा कमिटी कार्यक्रम तय
राष्ट्रिय जनमोर्चा राजपुर एरिया कमिटीको माघ ७ गते वार्ड नं ४ को कोम्रेमा सम्पन्न कार्यकर्ता भेलाले वार्ड वार्डमा सभा, टोल टोलमा कमिटी गठन अभियानका लागि कार्यक्रम तय गरेको थियो ।
जसअनुसार वार्ड नं ४ को वडास्तरीय कार्यकर्ता भेला माघ १० गते कोमरेमा, वार्ड नं ५ को वडा भेला माघ १३ गते महतेनी खोलामा, वार्ड नं ६ को वडा भेला माघ १५ गते गंगदी खोलामा, वार्ड नं ७ को वडा भेला माघ १९ गते गोठुवामा र वार्ड नं १ को वडा भेला माघ २३ गते कटबेरुवामा गरिने गरी तय गरिएको राजमो दाङका उपाध्यक्ष महेश रिजालले जानकारी गराउनु भएको छ । साथै सोही अभियान अन्तर्गत माघ २५ गते वार्ड नं ५ को जङ्रहवामा विशाल र्याली सहित विरोध सभा समेत आयोजना गरिने उपाध्यक्ष रिजालले बताउनुभयो ।
यसैगरी वार्ड नं २ र ३ मा तथा गुरुङ देखि भौवा नाकासम्म माघ २७ देखि फाल्गुन महिनाभरी सोही अभियान दोस्रो चरणका रूपमा सञ्चालन गरिने तयारी भइरहेको राजमो राजपुर एरिया कमिटिका सचिव महेश चौधरीले जानकारी गराउनु भएको छ ।
यसैबीच वार्ड नं ५ को महतेनी खोलामा आयोजना हुने वडा भेलामा राष्ट्रिय जनमोर्चाका केन्द्रीय कार्यकारी अध्यक्ष तथा प्रथम संविधान सभाका पूर्व सभासद रश्मिराज नेपाली प्रमुख अतिथिका रूपमा आउनुहुने कार्यक्रम तय भएको राष्ट्रिय जनमोर्चाले जनाएको छ ।
