परासी । सुनवल नगरपालिका वडा नं. १ पायोनियर सोमनाथमा २०७७ माघ ७ गते भएको एक भेलाले राष्ट्रिय जनमोर्चा गाउँ समिति गठन गरेको छ ।

बयोवृद्ध राजमो सदस्य डिलकुमारी गौतमको अध्यक्षता, कुलराज गौतमको सञ्चालन र उत्तमराज खरेलले स्वागत मन्तव्यका साथ सम्पन्न भेलाले सो समिति गठन गरेको हो ।

भेलाले दुर्गा जिसीको अध्यक्षतामा नौ सदस्यीय गाउँ समिति गठन गरेको छ, जसमा उपाध्यक्ष तारा गौतम, सचिव शुष्मा थापा, कोषाध्यक्ष कमल विक र सदस्यहरूमा शान्ति पौडेल, प्रेम खत्री, सीता केसी, मेघराज गौतम र सन्तोष शर्मा रहनुभएको छ ।

कार्यक्रमका प्रमुख अतिथि राजमो जिल्ला अध्यक्ष तथा अभियान परिचालन समिति संयोजक किसनबहादुर अधिकारीर परिचालन समितिका सदस्य धनपति सापकोटाले निर्वाचित पदाधिकारीलाई शुभकामना मन्तव्य व्यक्त गर्नु भएको थियोे ।