दाङ । राष्ट्रिय जनमोर्चा दाङले सञ्चालन गरेको ‘वडावडामा सभा, टोलटोलमा समिति’ अन्तर्गतको कार्यक्रम घोराहीका सबै वडाहरूमा सञ्चालन हुने भएको छ । उपमहानगरभरि सात वटा टिम निर्माण गरी अभियान चल्ने भएको हो ।
वडा नम्बर १ देखि ४ सम्मको टोलीको नेतृत्वमा मनिराम खनाल रहनुभएको छ, जसको सयुक्त कार्यकता भेला माघ ८ गते सुनपुरमा हुने छ । वडा नम्बर ५ देखि ७ गतेको अभियानमा हरि खरेलको नेतृत्व हुने छ, जसको भेला माघ १२ गते हुने छ । वडा नम्बर ८ देखि १० को अभियानमा चन्द्रबहादुर रावतको नेतृत्व हुने छ, जसको भेला माघ ९ गते हुने छ । वडा नम्बर ११ र १२ को अभिायनको नेतृत्व टीका विकको हुने छ, जसको भेला माघ १३ गते हुने छ ।
वडा नम्बर १३ देखि १६ को अभियानमा नेतृत्व रामबहादुर जिएमको हुने छ, जसको भेला माघ १० गते हुनेछ। वडा नम्बर १७ र १८ को अभियानमा नेतृत्व खडानन्द खनालको हुने छ, जसको भेला माघ ११ गते हुने छ । वडा नम्बर १९ को अभियानमा नेतृत्व मङ्गल घर्तीको हुने छ, जसको भेला माघ ७ गते हुने छ ।
गणतन्त्र, धर्म निरपेक्षता र राष्ट्रियताको पक्षमा तथा भ्रष्टाचार, सङ्घीयता र केपी सरकारको असंवैधानिक कदमका विरुद्धमा सङ्घर्ष र सङ्गठनको अभियान चल्ने भएको हो ।
घोराहीमा चल्ने उक्त अभियानका लागि रामबहादुर जिएम सयोजक रहने गरी नौ सदस्यीय मूल परिचालन समिति गठन भएको छ, जसको सदस्यहरूमा सुशील पोख्रेल, हरि खरेल, मनिराम खनाल, टीका विक , खडानन्द खनाल, कृष्णा राना, चन्द्रबहादुर राना, मिनु सुवेदीलगायत रहनु भएको छ ।
नगर अध्यक्ष हरि खरेलको अध्यक्षता र जिल्लाध्यक्ष गणेश आचार्यको प्रमुख आतिथ्यतामा माघ ५ गते बसेको नगर समितिको बैठकले निणर्यहरू गरेको हो ।
