प्युठान । राष्ट्रिय जनमोर्चा झिमरुक गाउँसमितिले ‘संगठन र संघर्ष’ अभियानको सुरुवात गरेको छ । शनिबार गाउँपालिकाको वार्ड न १ मा अगुवा कार्यकर्ता प्रशिक्षण भेला गरी कार्यक्रमको सुरुवात गरिएको हो ।
राजमो लुम्बिनी प्रदेश सदस्य तथा झिमरुक गाउँपालिकाका अध्यक्ष तिलक जिसीको प्रमुख आतिथ्यतामा भएको कार्यक्रममा नेकपा (मसाल) रूपन्देही प्रवक्ता नारायण जिसी, राजमो प्युठानका सदस्य तथा झिमरुक ५ न का वार्ड अध्यक्ष टीका जिसि, अखिल नेपाल किसान महासंघका केन्द्रीय सचिव वीरबहादुर जिसि, अखिल नेपाल शिक्षक संघ प्युठानका सचिव डम्मर जिसिले पनि प्रशिक्षण दिनु भएको थियोे ।
जातीय समता समाज प्युठान जिल्ला सदस्य मिनबहादुर विक, अखिल नेपाल जनजाती सम्मेलन झिमरुक गाउँ समितिका अध्यक्ष प्रतिमान पुन, अखिल नेपाल महिला संघका वार्ड सचिव रनि थापा, अखिल नेपाल युवक संघका वार्ड सदस्य सन्जय केसीलगायत नेताहरुको आतिथ्यता रहेको प्रशिक्षण भेलामा अखिल(छैठौं) का केन्द्रीय सदस्य तथा प्युठान जिल्ला अध्यक्ष चोपबहादुर विकले वार्ड स्तरको योजना प्रस्तुत गर्नु भएको थियो ।
कार्यक्रमको अध्यक्षता राजमो वार्ड अध्यक्ष दिपक क्षेत्री र सन्चालन सचिव विजयविक्रम जिसीले गर्नु भएको थियो ।
यो पनिः झिमरूकमा राजमोको प्रशिक्षण भेला, वडास्तरमा विरोध कार्यक्रम गर्ने निर्णय
