जगदीश ढकाल, नेपालगन्ज ।
राष्ट्रिय जनमोर्चा बाँकेको अगुवा कार्यकर्ता भेला बुधबार नेपालगन्जमा सम्पन्न भएको छ । ‘गणतन्त्र, राष्ट्रियता र धर्मनिरपेक्षताको रक्षा गर्न तथा ओली सरकारले गरेको असंवैधानिक कदम संसद विघटन, भ्रष्टाचार संघीयताको बिरोध गर्न माघ महिनामा हुने १ महिने अभियानको सन्दर्भमा उक्त भेला आयोजना भएको हो ।
भेलालाई राष्ट्रिय जनमोर्चाका पूर्व महासचिव तथा पूर्व सांसद हरि आचार्यले सम्बोधन गर्नुभएको थियोे । सम्बोधनको क्रममा उहाँले अहिलेको अवस्थामा एकातिर राजावादीहरुबाट गणतन्त्रमाथि खतरा देखा परिरहेको र अर्कोतिर विप्लप माओवादीहरुले पनि राजासहितको गोलमेच सम्मेलनको कुरा गरेको स्थितिमा जनआन्दोलनबाट प्राप्त अहिलेको व्यवस्थालाई जोगाउँदै नयाँ जनवादी गणतन्त्र स्थापनाको दिशामा अगाडि बढ्नु पर्ने आवश्यकत औंल्याउनुभयो ।
त्यसको लागि तत्काल ओली सरकारले गरेको असंवैधानिक कदम संसद विघटनको विरुद्ध संसद पुनर्स्थापनाको माग लिएर आफ्नो पार्टी राष्ट्रिय जनमोर्चा संघर्षमा उत्रिएको उहाँले वताउनुभयो । पार्टीले घोषणा गरेको १ महिने संघर्ष तथा संगठन निर्माणको अभियानमा सक्रियतापूर्वक लाग्नको लागि उहाँले कार्यकर्ताहरुलाई आव्हान गर्नुभएको थियोे ।
भेलामा अखिल नेपाल युवक संघका महासचिव कृष्णराज पाण्डेले सम्बोधन गर्दै अभियानको क्रममा संगठनलाई ससक्त बनाएर आन्दोलनको आँधिहुरी सँगै अधिनायकवादी तथा प्रतिगामी षडयन्त्रलाई परास्त गरिने बताउनु भएको थियोे ।
राजमो बाँकेका अध्यक्ष भिमप्रसाद देवकोटाको अध्यक्षतामा सम्पन्न भेलामा उपाध्यक्ष जगदीश ढकालले स्वागत तथा सहसचिव मनबहादुर सुनारले संचालन गर्नुभएको थियोे ।
भेलामा अखिल नेपाल युवक संघ बाँकेका अध्यक्ष भरत खड्का, अखिल (छैटौं) बाँकेका अध्यक्ष नमराज चन्द , अखिल नेपाल महिला संघ बाँकेकी अध्यक्ष पूर्णकला भण्डरी, अखिल नेपाल शिक्षक संघ बाँकेका अध्यक्ष बुद्धि बन्जाडे लगाएतको आतिथ्यता रहेको थियोे ।
राष्ट्रिय जनमोर्चाको उक्त भेलाले माघ ३ गते देखि १ महिने संघर्ष तथा सांगठानिक अभियान संचालन गर्ने तय गरेको छ । जस अनुसार जिल्लाका आठओटै नगर तथा गाउँपालिकाका वडाहरुसम्म अभियान संचालन गरिने गरि नेतृत्वसहितको टोलीहरु परिचालन गरिने पनि सो अवसरमा जानकारी गराइएको छ।
सहिद टोपबहादुरको १८औं स्मृति सभा
यसैबीच राष्ट्रिय जनमोर्चा बाँकेद्वारा बुधबार नै सहिद टोपबहादुर कार्कीको १८औं स्मृति सभाको आयोजना गरियो ।
नेपालगञ्जमा एक समारोहका बीच आयोजित स्मृति सभालाई सम्बोधन गर्दै राजमोका पूर्व महासचिव आचार्यले सहिद टोपबहादुर कार्कीले संगठनमा गरेको योगदानको चर्चा गर्दै २०५९ सालको तत्कालीन निरंकुश शाही शासनकालमा आफ्नो पार्टीका इमानदार कार्यकर्ता राजमो बर्दियाका सदस्य तथा तत्कालीन युवा संघका भेरी कर्णाली सदस्य टोपबहादुर कार्की र उहाँका बुबा भोजबहादुर कार्कीमाथि माओवादीको आरोप लगाई मुडभेटको नाममा जघन्य हत्या गर्नु अत्यन्तै निन्दनीय घटना भएको बताउनु भएको थियोे ।
स्मृति सभामा मन्तव्य राख्दै सहिद टोपबहादुर कार्कीकि जेठी छोरी सावित्री कार्कीले आफ्नो बुबाले देखाएको विचार र बाटोमा अघि वढ्दै पार्टी र संगठनमा निरन्तरता दिने प्रण गर्नुभएको थियोे ।
राजमो बाँकेका उपाध्यक्ष जगदीश ढकालको अध्यक्षतामा सम्पन्न स्मृति सभामा अखिल नेपाल युवक संघका महासचिव कृष्णराज पाण्डे, सहिद टोपबहादुर कार्कीकी बहिनी भिमा कार्की, छोरीहरु सावित्री कार्की, बसन्ती कार्की, छमी कार्की र मनिशा कार्की लगाएतको आतिथ्यता रहेको थियो । कार्यक्रम सञ्चालन राजमो बाँकेका अध्यक्ष भिमप्रसाद देवकोटाले गर्नुभएको थियोे ।
