काठमाडौं । गत वैशाखदेखि हालसम्म देशभर आगलागीक एक हजार४४९ घटना भएका छन् । जसमा ४५ जनाको मृत्यु भएको छ भने २५३ जना घाइते भएका राष्ट्रिय विपद जोखिम न्यूनिकरण तथा व्यवस्थापन प्राधिकरणले जनाएको छ ।
ती घटनामा ६२१ पशु चौपायाको मृत्यु भएकोमो अन्दाजी एक अर्ब ८ करोड ८६ लाख एक हजार ३६० रुपैयाँ बराबरको नोक्सान भएको प्राधिकरणले जनाएको छ ।
यस्तै, गएको २४ घण्टामा देशका विभिन्न सात स्थानमा भएको आगलागीमा परी दुई जनाको मृत्यु भएको छ भने लाखौंको धनमाल क्षति भएको छ । बर्दिया, झापा, रोल्पा, प्युठान, महोत्तरी, मोरङ र सल्यानमा आगलागी भएको प्राधिकरणले जनाएको छ ।
बर्दियाको बारबर्दिया नगरपालिमा–५ धोबियामा २३ वर्षीया युवतीले खाना बनाउने क्रममा लगाएको कपडामा आगो सल्की घाइते भएकोमा भारतको लखनऊमा उपचारको क्रममा उनको मृत्यु भएको छ । यस्तै, झापाको दमक नगरपालिका–३ भुटानी शरणार्थी शिविरको एक घरमा आगलागी हुँदा वर्ष ६० का १ पुरुष मृत्यु भएको छ ।
यता, हिमाली जिल्ला मनाङको चामे गाउँपालिका–२ थानचोकको वनबाट मंसिर ११ देखि सुरु भएको आगो अझै नियन्त्रणमा आउन सकेको छैन । सल्लोको जंगल, सुकेका पातपतिंगर अनि निगालोको झाडीमा फैलिएको आगलागी नियन्त्रणबाहिर गएको स्थानीयले बताएका छन् ।
