काठमाडौं । बागलुङ जिल्लाको गल्कोट नगरपालिका–१, दुदिलाभाटी चारकुनेका राजेश विकको उपचारका लागि सहयोग रकम जुटेको छ । निमोनिया र वाथ रोगबाट सिकिस्त बिरामी भाई काठमाडौंको जीएमसी हस्पिटलमा उपचार गराइरहेका राजेशलाई थप उपचारका लागि हाल भारतको नयाँ दिल्ली पठाइएको छ।
आर्थिक अवस्था कमजोर भएका राजेशलाई नेपालसहित जापान र अमेरिकामा रहेका विभिन्न समाजसेवीहरुले रकम संकलन गरी पठाएका हुन् । संकलित रकम ६ लाख ४८ हजार २३१ रुपैयाँ पीडितलाई हस्तान्तरण गरिएको युगदर्शनका जापान सम्वाददाता मेघराज रिस्मेलीले बताउनुभयो ।
जापानबाट समाजसेवीहरु कमल कार्की, मिलन केसी, लक्षम्ण कार्की, मेघराज सापकोटा, निम खडका, तारा तेजु खत्री, मिनबहादुर खत्री, नेत्र थापा, तारा केसी थापा, याम विक, कृण खत्रीको पहलमा ५४ हजार ८६४ रुपैयाँ संकलन भएको थियो ।
यस्तै, बागलुङ समाज अमेरिकाका कोषाध्यक्ष सन्तोष खत्रीको पहलमा रु ६० हजार, नेपालबाट यामु कार्की, बिनोद कार्की, नरबहादुरलगायतको पहलमा २० हजार ११० रुपैयाँ, डायनामिक स्पोट क्लव झाक्रिस्थानबाट रु चार हजार पाँच सय र भुडंखानी घरदैलोबाट १४ हजार ९४६ रुपैयाँ संकलन भएको हो ।
