संजाल शर्मा, बागलुङ ।
जैमिनी नगरपालिका– ७ जैदीको धुल्लुमा अखिल नेपाल युवक संघको टोल भेला सम्पन्न भएको छ । युवक संघका गण्डकी प्रदेश सचिवव संजाल शर्माको बिषेश उपस्थितिमा सोमबार सम्पन्न भेलाले रमेश विकको अध्यक्षतामा १५ सदस्यीय जैमिनी नगरपालिका–७ धुल्लु टोल समिति गठन गरेको छ ।

समितिको उपाध्यक्षमा सकश विक, सचिव सरिता घर्ती, सहसचिव नवीन जिसि र कोषाध्यक्षमा यमबहादुर परियार चयन हुनु भएको छ । सदस्यहरुमा नारायण घर्ती, मिलन पौडेल, विकास सुनार, लिलाबहादुर घर्ती, चिरन परियार, रोशन रसाइली र रोहित रसाइलि रहनुभएको छ भने हाललाई ३ स्थान रिक्त राखिएको छ ।

भेलालाई सम्बोधन गर्दै युवक संघका प्रदेश सचिव शर्माले बर्तमान अवस्थामा प्रधानमन्त्री केपी शर्मा ओलीले संसद विघटन गरेका कारण देशमा प्रतिगामी शक्तिहरु सल्बलाएको बताउँदै यतिखेर राष्ट्रियता, गणतन्त्र, धर्म निरपेक्षता र संविधान खतरामा परेको उल्लेख गर्नुभयो । उहाँले युवाहरु समाजको बलियो शक्ति भएका कारण समाजमा भएका अन्याय, अत्याचार, शोषण र भ्रष्टाचार आदिको सशक्त भन्डाफोर गर्दै समाज रुपान्तरणमा बिशेष भूमिका खेल्न आग्रह गर्दै युवाहरूलाई उद्यमशीलतामा ध्यान दिन समेत आग्रह गर्नु भयो।

कार्यक्रममा राष्ट्रिय जनमोर्चाका केन्द्रीय सदस्य डिलबहादुर दर्जीले समसामयिक राजनिती र स्थानीय अबस्थामा युवाको भूमिकाबारे प्रशिक्षण दिनुभएको थियो । भेलामा राजमोका स्थानीय नेता पशुपति शर्माले संगठनात्मक प्रशिक्षण र जिबनाथ पौडेलले बिगतको संघर्ष र इतिहास लगाएतकुराहरू समेटेर प्रशिक्षण मन्तव्यसहित भेलालाई शुभकामना दिनु भएको थियो ।

युवक संघका जैमिनि–७ का सदस्य सकस विकको अध्यक्षतामा सुरु भएको कार्यक्रमलाई रमेश विकले सञ्चालन गर्नुभएको थियो । भेलामा उपस्थित सबैलाई युवक संघको सद्स्यता वितरण समेत गरिएको थियो । युवक संघ बाग्लुङले यतिखेर पालिकामा भेला प्रशिक्षण, वडा, टोल भेला प्रशिक्षणसहितको अभियान अगाडि बढाएको छ।