दाङ । राष्ट्रिय जनमोर्चाले संसद विघटनविरुद्ध दाङ देउखुरीको भालुबाङमा बिरोध सभा सम्पन्न गरेको छ । विरोध सभालाई सम्बोधन गर्दै राष्ट्रिय जनमोर्चाका कार्यकारी अध्यक्ष रश्मीराज नेपालीले संसद विघटनले जनताको लोकतन्त्र धरापमा परेको हुँदा संसद पुनस्थापना गर्न नसके देस झनै खतरनाक भुमरीमा फस्ने बताउनु भयो ।
त्यस्तै, राजमो जिल्ला अध्यक्ष गणेश आचार्य, अखिल नेपाल किसान महासंघका केन्द्रीय कोषाध्यक्ष प्रेमनारायण आचार्य, अखिल नेपाल युवक संघका केन्द्रीय उपाध्यक्ष चित्र एमसी, रक्तिम साँस्कृतिक अभियानका जिल्ला सहसचिव बिक्रम पाण्डे अखिल नेपाल राष्ट्रिय उधोग व्यापार संघका जिल्ला अध्यक्ष जगत पोख्रेल लगायतले पनि सम्बोधन गर्नुभएको थियो।
राजमो राप्ती गाउँपालिका अध्यक्ष केसवराज खनालको अध्यक्षतामा भएको कार्यक्रममा पालिका सदस्य माधब आचार्यले स्वागत र उपाध्यक्ष ठाकुर आचार्यले सञ्चालन गर्नुभएको थियो ।
