जनकराज पौडेल/चेन्नै (भारत) ।
मूल प्रवाह अखिल भारत नेपाली एकता समाज दक्षिण भारत क्षेत्रीय समितिको आयोजनामा भर्चुअल प्रशिक्षण कार्यक्रम सम्पन्न भएको छ ।
नेकपा (मसाल) का महामन्त्री मोहनविक्रम सिंह, राष्ट्रिय जनमोर्चा अध्यक्ष चित्रबहादुर केसी र राष्ट्रिय जनमोर्चाका नेता आनन्द शर्माको आतिथ्यतामा सो कार्यक्रम सम्पन्न भएको हो ।
कार्यक्रममा नेकपा (मसाल) का महामन्त्री मोहनविक्रम सिंहले जनवादी केन्द्रीयता र अनुशासनबारे प्रशिक्षण दिनुभएको थियो । मन्तव्यको क्रममा महामन्त्री सिंहले नेकपा (मसाल) नै देशको सबैभन्दा क्रान्तिकारी र अनुशासित पार्टी भएको दावी गर्नुभयो ।
पार्टीको इतिहासमा क्रान्तिकारी सिद्धान्त र अनुशासनलाई सँगसँगै लैजाने नेपालको एक मात्र पार्टी नेकपा (मसाल) भएको बताउँदै उहाँले साथीहरूलाई अहिले देखा परेको छदम् नामधारी र ध्वसात्मक प्रवृत्तिका विरुद्ध हतोत्सायी नहुन आग्रह गर्नुभयो ।
राष्ट्रिय जनमोर्चाका अध्यक्ष चित्रबहादुर केसीले आफ्नो पछिल्लो स्वास्थ्य अवस्थाबारे कार्यकर्ताहरूका चासो र चिन्ताबारेका जिज्ञासा मेटाउने प्रत्यन्न गर्नुभयो । मन्तव्यको क्रममा उहाँले भारतमा मूल प्रवाह अखिल भारत नेपाली समाजको स्थापनाकालको स्मरण गर्दै सङ्गठनले खेल्दै आएको भूमिका र नेपालमा चल्ने जनतान्त्रिक आन्दोलनमा मूल प्रवाहको महत्त्वपूर्ण भूमिकाबारे उल्लेख गर्नुभयो ।
सङ्गठनको नीति, कार्यक्रम र नेतृत्व सक्षम रहेको र त्यसलाई आत्मबोध गर्दै अघि बढ्दा लक्ष्य प्राप्त हुनेमा दृढ विश्वास गर्दै सबै प्रशिक्षार्थीहरूलाई निरन्तर खट्न राजमो अध्यक्ष केसीले सुझाव दिनु भयो ।
प्रशिक्षण कायृक्रममा राष्ट्रिय जनमोर्चाका नेता आनन्द शर्माले देशको समसामयिक राजनीतिक परिस्थिति र मूल प्रवाह अखिल भारत नेपाली एकता समाजले खेल्नुपर्ने भूमिकाबारे प्रशिक्षण दिनुभएको थियो ।
मूल प्रवाह अखिल भारत नेपाली एकता समाजका केन्द्रीय सल्लाहकार तथा नेपाली पत्रिका सहसम्पादक धनवीर पुनले सङ्गठनको प्रकाशन र त्यसको महत्त्वबारे प्रशिक्षण दिनुभएको थियो ।
विषयकेन्द्रित प्रशिक्षण कार्यक्रममा दक्षिण भारत क्षेत्रीय समितिअन्तर्गतका अधिकांश नगर समिति सदस्यहरूको सहभागिता रहेको थियो । प्रशिक्षणमा केही समय प्रश्नोत्तर कार्यक्रम पनि चलेको थियो ।
कार्यक्रममा मूल प्रवाह अखिल नेपाली एकता समाजका केन्द्रीय अध्यक्ष दुर्गाबहादुर केसी, महासचिव ठाकुर खनाल, उपाध्यक्ष कपिल खनाल र देवबहादुर लामिछाने, केन्द्रीय सदस्य मदन शर्मा, भगवति कुँवर, मदन भण्डारी, केन्द्रीय वैकल्पिक सदस्य चोवनाथ शर्मा, केन्द्रीय सल्लाकार तथा नेपाली समाचार पत्रिकाका सहसम्पादक धनवीर पुन, सल्लाकारहरू मोहराज चालिसे र केबी थापाको पनि आतिथ्यता रहेको थियो ।
महेन्द्र बस्यालको अध्यक्षता, जनकराज पौडेलको सञ्चालन रहेको कार्यक्रममा ज्ञातअज्ञात सहिदहरूको सम्मानमा एक मिनेट मौनधारणपछि प्रशिक्षणमा सहभागी प्रशिक्षार्थीहरूलाई क्षेत्रीय सहसचिव रामसिंह विकले शब्दद्वारा स्वागत गर्नुभएको थियो ।
