काठमाडौं । भारत र चीनबीच लद्दाखमा भएको झडपपछि भारतीय प्रधानमन्त्री नरेन्द्र मोदी र चीनका राष्ट्रपति सि जिनपिङ पहिलो चोटि आमने सामने हुँदैछन् ।

रूसका राष्ट्रपति भ्लादिमीर पुटिनले अध्यक्षता गर्ने शंघाई कोअपरेसन अर्गनाइजेसनको भर्चुअल सम्मेलनमा यी दुई नेता सहभागी हुन लागेका हुन् ।

लद्दाख झडपमा भारतका २० सैनिकको ज्यान गएको थियो ।

द इन्डियन एक्सप्रेसका अनुसार बितेका ६ वर्षमा मोदी र सीबीच १८ पटक भेट भएका छन् । पछिल्लो पटक उनीहरूबीच साउदी अबरले आयोजना गरेको जी २० देशेको सम्मेलनमा भेट भएको थियो । त्यसयता अहिले भेट हुन लागेको हो ।

समाचारअनुसार दुवै देश (भारत चीन) ले सीमाका विषयमा आआफ्नो अडान लिइरहको अवस्थामा यो भेटमा मोदी र सीबीच तनाव कम गर्ने सम्बन्धमा बातचित हुने सम्भावना कम छ ।