काठमाडौँ । विश्वमा कोराना सङ्क्रमितको सङ्ख्या ५ करोड नाघेको छ । आज बिहानसम्मको तथ्याङ्कमा विश्वभरि कुल सङ्क्रमितको तथ्याङ्क ५ करोड २ लाख ६३ हजार ८८५ पुगेको छ ।
वल्र्डोमिटर्सका अनुसार आज बिहानसम्म विश्वमा ५ करोड ९८ हजार २ जना नयाँ सङ्क्रमित थपिएका थिए भने ७ हजार ४३६ जना मृतक थपिएका थिए । यससँगै अहिलेसम्म विश्वभरिमा २ करोड ४३ हजार २५७ जनाको मृत्यु भइसकोको छ ।
यस अवधिमा ६४ लाख ४१ हजार ७४४ सङ्क्रमित निको भएर घर फर्किसकेका छन् भने ३४ लाख ९७ हजार ८१७ जना सक्रिय सङ्क्रमित रहेका छन् । त्यसमध्ये १८ हजार ४८० जना गम्भीर अवस्थामा रहेका छन् ।
कुल सङ्क्रमितमध्ये अमेरिकामा मात्रै त्यो सङ्ख्या १ करोड नाघेको छ । त्यहाँ हालसम्म १ करोड १ लाख ८२ हजार ८१८ जना कुल सङ्क्रमित पुगेका छन् । आज बिहानसम्मको चौबिस घण्टामा त्यहाँ १ लाख २४ हजार सङ्क्रमित थपिएका थिए भने १ हजार ३१ जनाको मृत्यु भएको थियो ।
त्यस्तै, हिजो बिहानसम्मको चौबिस घण्टामा त्यहाँ १ लाख ३२ हजार ५४० जना नयाँ सङ्क्रमित थपिएका थिए भने यही अवधिमा १ हजार २४४ जनाको मृत्यु भएको थियो ।
