जनकराज पौडेल

आरोह–अवरोह झेल्दै
४२ वर्षमा पुगिसकेछौ ।

कहिले उमङ्ग
कहिले अप्ठ्याराको सामना गर्दै
जालझेल, षडयन्त्रका तानाबवाना चिर्दै
ठेगान लगाउँदै
निरन्तर मजदुरको
पक्षमा लड्दै
भारतमा मात्र सीमित रहेनौ
विश्वभरि झ्याङ्गिँदै गयौ ।

संसारभरि छरिएका मजदुर
उत्पीडनमा परेका—सास्ती खेपेका,
बिचल्लीमा परेका अपहेलित
अमानवीय जीवन सहदै,
निरास, आधारविहीन महसुस हँुदा
अभिभावकत्व पूरा गर्दै
आधारको केन्द्र बन्दै आयौ
मजदुरको ढुकढुकी बन्दै
असहायलाई न्यानो काख दियौ
मजदुरको पृय बन्दै
सबैको पे्ररणाको स्रोत बन्यौ
त्यसैले
तिम्रो बयालिसौँ जन्मदिनो
हार्दिक शुभकामना ।

प्रवासका सहर र विकट, बस्ती
पहाडका शिर र समथर मैदान
कोइलाखानीका सुरुङ
दलालको फन्दामा परेर
नारकीय जीवनमा बाध्य पारिएका
हिमालका छोरी
होटल, कोठीमा प्रताडित
अबोध चिचिला बालबालिका
देश फर्किदै गर्दा
बाटोघाटो रेलमा लुटिने मजदुर
विभिन्न प्रपञ्च रची मुद्दामा
फसाइएका मजदुर,
समर्पित बन्दै,
न्यायको आवाज बोकी
जीवनरक्षा गर्दै
समाजले हेर्ने कुदृष्टिका विरुद्ध
नेपाली चेलीलाई स्थापित गर्दै
आत्मसम्मानको चेतना जगाउँदै
तमाम जोखिम र व्यवधान पन्छाउँदै
निर्भिकताका साथ लड्दै
लुटेरा दलाल र मजदुरमाराको
आँखाको कसिङ्गर बन्दै
पीडितको आँखाको नानी
त्यसैले
तिम्रो निरन्तर यात्राको अरू खाँचो छ ।

एकताको माला कहिल्यै नटुटोस् ।
रङ्गीचङ्गी फूलले सुगन्घ फैलाउँदै
अन्यायको मैदानमा न्यायको सुवास छर्दै
सचेत र सङ्गठित बन्ने चेतना भर्दै
मजदुर नेपालीबिच दुबोसरि फैलिँदै
एकताको आवाज सङ्गठित गर्दै
जालजेल षडयन्त्र पहिचान गर्दै
एकता विरुद्ध लाग्ने सङ्क्रमित रोगबाट
सावधानी अपनाउँदै
तिमी निरन्तर बढ्दै जाऊ
जन्मदिनको हार्दिक शुभकामना ।