काठमाडौं । नेपालमा पछिल्लो २४ घण्टामा थप २ हजार ९०९ जनामा कोरोना भाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयले शुक्रबार अपरान्ह दिएको जानकारी अनुसार देशभरमा थप २ हजार ९०९ जनामा कोरोना भाइरसको संक्रमण देखिएको हो।
योसँगै नेपालमा कोरोना संक्रमितको संख्या १ लाख ८८ हजार ८८३ पुगेको छ भने आज देशभरमा सक्रिय संक्रमितको संख्या ४ हजार ९०५ रहेको छ ।
मन्त्रालयका अनुसार पछिल्लो २४ घण्टामा थप पीसीआर परीक्षण भएसँगै अहिलेसम्म भएको परीक्षणको संख्या १५ लाख १७ हजार ३४३ पुगेको छ ।
त्यस्तै पछिल्लो २४ घण्टामा थप ४ हजार ५०० कोरोना संक्रमित निको भएसँगै अहिलेसम्म निको हुनेको संख्या १ लाख ५२ हजार ९०८ पुगेको मन्त्रालयले जनाएको छ ।
काठमाडौँ उपत्यकामा थपिए १३ सय ३८ कोरोना संक्रमित
यस्तै, काठमाडौँ उपत्यकामा पछिल्लो २४ घण्टामा थप १ हजार ३३८ जनामा कोरोना भाइरसको संक्रमण पुष्टि भएको छ। मन्त्रालयका अनुसार उपत्यकाका तीन जिल्लामा थप १ हजार ३३८ जनामा कोरोना भाइरसको संक्रमण देखिएको हो।
काठमाडौंमा १ हजार ३०, भक्तपुरमा १२१ र ललितपुरमा १८७ जनामा कोरोना पुष्टि भएको मन्त्रालयले जनाएको छ । मन्त्रालयका अनुसार आज देशभरमा थप २ हजार ९०९ जनामा कोरोना संक्रमण देखिएको छ।
