काठमाडौँ । पछिल्लो चौबिस घण्टामा अमेरिकाम १ लाख १३ हजार ५३७ नयाँ सङ्क्रमित थपिएका छन् । यससँगै त्यहाँ कुल सङ्क्रमितको सङ्ख्या ९९ लाख १५ हजार ८५५ पुगेको छ ।
वल्र्डोमिटर्सका अनुसार हिजोसम्मको चौबिस घण्टामा त्यहाँ १ लाख ८ हजार ३५२ नयाँ सङ्क्रमित थपिएका थिए भने अस्ति ९४ हजार ४६७ जना नयाँ सङ्क्रमित थपिएका थिए ।
आज बिहानसम्मको तथ्याङ्कअनुसार त्यहाँ पछिल्लो चौबिस घण्टामा १ हजार ९४ जनाको मृत्यु भएसँगै कुल मृतकको सङ्ख्या २ लाख ४० हजार ९२२ पुगेको छ ।
हालसम्म अमेरिकामा ६३ लाख ३७ हजार ८२१ जना सङ्क्रमित निको भएर घर गइसकेका छन् । आजसम्म त्यहाँ ३३ लाख ३६ हजार ११२ जना सक्रिय सङ्क्रमित रहेका छन् । त्यसमध्ये १८ हजार ६३ जना गम्भीर अवस्थामा छन् ।
अमेरिकाको ६२ वटा राज्य तथा द्विपसमूहमध्ये सबैभन्दा बढी सङ्क्रमित टेक्सासमा छन् । त्यहाँ हालसम्म ९ लाख ८७ हजार ८९५ जना कुल सङ्क्रमित छन् । क्लालिफोर्नियामा ९ लाख ५८ हजार ७९८ जना जना कुल सङ्क्रमित छन् । त्यसैगरी फ्लोरिडामा ८ लाख २७ हजार ३८० जना र न्युयोर्कमा ५ लाख ५५ हजार ७१० जजना कुल सङ्क्रमित देखिएका छन् ।
मृतकको तथ्याङ्कमा सबैभन्दा बढी न्युयोर्कमा ३३ हजार ७७० जना, टेक्सासमा १९ हजार ३० जना, क्यालिफोर्नियामा १७ हजार ८६३ जनाको मृत्यु भइसकेको छ ।
अमेरिकाका ६२ वटै प्रान्त तथा द्विपसमूहमा सङ्क्रमित देखिएका छन् । त्यसमध्ये ६० वटामा कोरोना सङ्क्रमणबाट मृत्यु भइसकेको छ ।
