नेपालमा पछिल्ल्लो २४ घण्टामा ३ हजार ८४४ जना संक्रमण मुक्त भएका छन् । बुधबार स्वास्थ्य तथा जनसंख्या मन्त्रालयले तीन हजार ८४४ जना कोरोना संक्रमण मुक्त भएको जानकारी दिएको छ ।
योसँगै कोरोना निको हुनेको संख्या १ लाख ४४ हजार ८७८ पुगेको छ ।
यस्तै, पछिल्लो २४ घण्टामा थप ३ हजार ३०९ जनामा कोरोना पुष्टि भएको छ । मन्त्रालयका प्रवक्ता प्राडा जागेश्वर गौतमले आज देशभरमा ३ हजार ३०९जनामा कोरोना पुष्टि भएको बताउनुभयो ।
प्रवक्ता गौतमका अनुसार पछिल्लो २४ घण्टामा १३ हजार १४४ पीसीआर परीक्षण गरिएको थियो।
उपत्यकामा थपिए १८ सय ७८ कोरोना संक्रमित
काठमाडौं उपत्यकमा पछिल्लो २४ घण्टामा थप १ हजार ८७८ जनामा कोरोना पुष्टि भएको छ । प्रवक्ता डा गौतमले उपत्यकाका तीन जिल्लामा १ हजार ८७८ जनामा कोरोना पुष्टि भएको बताउनुभयो ।
प्रवक्ता गौतमका अनुसार काठमाडौँमा १ हजार ५७०, भक्तपुरमा ११९ र ललितपुरमा १८९ जनामा कोरोना पुष्टि भएको छ।
थप ३० जनाको मृत्यु
नेपालमा कोरोना संक्रमणबाट थप ३० जनाको मृत्यु भएको छ। मन्त्रालयले बुधबार दिएको जानकारी अनुसार संक्रमणबाट पछिल्लो २४ घण्टामा थप ३० जनाको मृत्यु भएको हो।
