खलङ्गा । मल्लरानी गाउँपालिकाका सबै वडामा भेला तथा प्रशिक्षण गर्ने कार्यक्रमअन्तर्गत २०७७ कार्तिक १७ गते १ नं. वडामा राष्ट्रिय जनमोर्चा र अखिल नेपाल युवक सङ्घको संयुक्त भेला तथा प्रशिक्षण कार्यक्रम सम्पन भएको छ ।रुमान केसीको अध्यक्षतामा अगाडि बढेको
उक्त कार्यक्रममा मल्लरानी गापाका अध्यक्ष अमरध्वज रानामगरले प्रमुख अतिथिको आसनबाट प्रशिक्षणात्मक मन्तव्य राख्नुभएको थियो ।
उक्त कार्यक्रममा राजमो मल्लरानी गापाका अध्यक्ष सूर्य नेपाली, १ नं. वडाका अध्यक्ष चिन्ताबहादुर राहु, अखिल नेपाल युवक सङ्घका प्युठान जिल्ला उपाध्यक्ष तथा वडा नं. १ का वडासदस्य कमल पौडेल, जनजाति नेता हिमबहादुर राहु, युवा नेता वामदेव पौडेललगायतले पनि मन्तव्य राख्नुभएको थियो ।
प्रशिक्षणात्मक भेलापश्चात् रुमान केसीको अध्यक्षतामा सचिव गिबराज पोख्रेल, कोषाध्यक्ष देवेन्द्र राहु र सदस्यहरू मनबहादुर राहु, हिमबहादुर राहु, धनबहादुर विक, जगत् केसी, पुर्नबहादुर केसी, श्यामबहादुर पुन, दुमन्त पुन, चेतमान आचार्य, टङ्कबहादुर खत्री, लीला नगरकोटी, रामकलिम कामी, पुतली सुनार, रणबहादुर नगरकोटी, लोकबहादुर नेपाली र रिमा नगरकोटी रहनुभएको राष्ट्रिय जनमोर्चाको समिति गठन गरियको छ ।
त्यस्तै, ज्ञानबहादुर राहुको अध्यक्षतामा १७ सदस्यीय अखिल नेपाल युवक सङ्घ मल्लरानी १ नं. को वडा समिति गठन भयको छ । समितिमा उपाध्यक्ष जीवन पुन, सचिव माधव पौडेल, सदस्यहरू केसव बुढाथोकी, डिलबहादुर पुन, लालबहादुर राहु, जीवन, पदम केसी, ज्ञानेन्द्र पुन, टिकबहादुर पुन, चुमान घर्ती, तेजबहादुर पुन, दिलिप विक, युवराज घर्ती, लालबहादुर पुन र कमल बन्न्जाडेलगायत रहनुभएको छ ।
कार्यक्रमको सञ्चालन युवा नेता चुमानसिंह घर्तीले गर्नुभएको थियोे ।
