काठमाडौँ । अमेरिकामा आज बिहानसम्मको २४ घण्टामा नै एक लाखभन्दा बढी सङ्क्रमित थपिएका छन् । आज बिहानसम्म त्यहाँ १ लाख १ हजार ४६१ नयाँ सङ्क्रमित थपिएका हुन् ।

वल्र्डोमिटर्सका अनुसार अमेरिकामा हिजो बिहानसम्मको २४ घण्टामा ९१ हजार ८३४ जना नयाँ सङ्क्रमित थपिएका थिए भने अस्ति बिहानसम्मको २४ घण्टामा ८१ हजार ८११ जना नयाँ सङ्क्रमित थपिएका थिए ।

हालसम्म अमेरिकामा कुल सङ्क्रमितको सङ्ख्या ९३ हजार १६ हजार २९७ पुगेको छ । लामो समयदेखि कुल सङ्क्रमितको तथ्याङ्कमा अमेरिका पहिलो स्थानमा छ ।

पछिल्लो २४ घण्टामा ९८८ जनाको मृत्यु भएसँगै त्यहाँ मृतकको कुल सङ्ख्या २ लाख ३५ हजार १५९ पुगेको छ ।

हालसम्म अमेरिकामा ६० लाख २४ हजार ५१२ जना निको भएर घर फर्किसकेका छन् भने सक्रिय सङ्क्रमितको सङ्ख्या ३० लाख ५६ हजार ६२६ रहेको छ ।