शंकर प्रसाद पोख्रेल, गुल्मी ।
प्युठानको झिम्रुक गाउँपालिका वडा नं १ मा राष्ट्रिय जनमोर्चा निकट जनवर्गीय संगठनहरुको वृहत भेला तथा वनभोज कार्यक्रम सम्पन्न भएको छ । विभिन्न जनवर्गीय संगठनका नेता तथा कार्यकर्ताहरु उपस्थित रहेको भेलामा राष्ट्रिय जनमोर्चाका नेता वीर बहादुर जिसि प्रमुख अथिती हुनुहुन्थ्यो ।

शुक्रबार सम्पन्न भेलाले अखिल नेपाल युवक संघको वडा समितिसमेत चयन गरेको छ ।  भेलाले हरि जिसिको अध्यक्षतामा १९ सदस्यीय समिति गठन गरेको हो ।

समितिको उपाध्यक्षमा कल्पना विक, सचिव बसन्त जिएम, सहसचिव प्रकाश राना, कोषाध्यक्ष सुर्य जिएम तथा सदस्यहरु नेत्र पोख्रेल, सन्तोष पोख्रेल, लेखनाथ पोख्रेल, रेम बहादुर पुन, चन्द्र बहादुर पुन, सागर परियार, शंकर विक, सुर्य जिसि, बाबू जिसि, सुर्य विक, सन्जय केसी, दुर्गा पुन, बिनोद सुनार र रमेस सुनार चयन हुनुभएको छ ।

भेलालाई सम्बोधन गर्दै अखिल (छैटौं)का केन्द्रीय सचिव सुबास जिसिले देशका लागि युवा विद्यार्थीहरुले राष्ट्रिय जनमोर्चाको झन्डा समाउनुपर्ने बताउनुभयो । अहिलेको सरकार ब्याप्त भ्रष्टाचारमा डुबेको र त्यसलाई खबरदारी गर्ने प्रतिपक्ष कांग्रेस समेत उसैसित मिलेर भागबन्डा खोजेकोले अब देसका नौजवान युवाहरुले खबरदारी गर्नुपर्ने बताउनुभएयो । एक अर्को प्रसंगमा जिसिले झिम्रुकमा राष्ट्रिय जनमोर्चाले जितेका प्रतिनिधिले गरेको काम देखेर नेकपाले झुठको खेती गरेको भन्दै झुठको भन्डाफोर गर्नुपर्ने बताउनुभयो ।

कार्यक्रममा नेकपा (मसाल) रुपेन्देहीका प्रवक्ता नारायण जिसि, राष्ट्रिय जनमोर्चा झिम्रुक गाउँपालिका अध्यक्ष सिद्दिमान जिसि, अखिल (छैटौं)का केन्द्रीय सदस्य प्रकाश जिसि, राजमो नेताहरु हरि जिसि, लिलाबहादुर जिसि, मीनबहादुर केसी, सिताराम पोख्रेल, टीकाहादुर जिसि, वीर बहादुर जिसि, युगदर्शनका सम्वाददाता शंकर प्रसाद पोख्रेलले मन्तब्य राख्नुभएको थियो ।

कार्यक्रममा झिम्रुक गाउँपालिकाकी निर्वाचित उपाध्यक्ष पबित्रा जिसि, वडा नं ३ का अध्यक्ष मीनबहादुर केसी, वडा नं ४ का अध्यक्ष सिताराम पोख्रेल, वडा नं ५ का वडाध्यक्ष टीका जिसि, बुद्धिजिवी संघका लिला जिसि, अखिल (छैटौं) कि पूर्व केन्द्रीय सदस्य लक्ष्मी बेलवासे, समता समाजका मीन बहादुर बिक, बयोवृद्ग नेताहरु अमर पुन, जनार्दन पोख्रेल, केसव पोख्रेल, योगराज पोख्रेल, इन्द्र बहादुर केसी, राम बहादुर थापा, शिक्षक प्रतिनिधि संकर बस्नेत लगायतको अथित्या रहेको थियो ।

भेलाको अध्यक्षता राष्ट्रिय जनमोर्चाका वडा अध्यक्ष दिपक जिसिले गर्नुभएको थियो भने स्वागत सचिव बिजय बिक्रम जिसिले गर्नुभएको थियो । यस्तै, भेलाको सञ्चालन अखिल (छैटौं)का जिल्ला अध्यक्ष चोप बहादुर विकले गर्नुभएको थियो ।