काठमाडौँ । नेपालमा हालसम्म कोरोना सङ्क्रमणबाट मृत्यु हुनेको सङ्ख्या ९ सय नाघेको छ । पछिल्लो २४ घण्टामा १७ जनाको निधन भएसँगै मृतकको सङ्ख्या ९०४ पुगेको छ ।
नेपालमा पछिल्लो २४ घण्टामा थप दुई हजार ३६४ जनामा कोरोना भाइरसको सङ्क्रमण देखिएको छ । स्वास्थ्य तथा जनसङ्ख्या मन्त्रालयका अनुसार ९८ हजार ७६९ स्वाव परीक्षण गर्दा उक्त सङ्ख्यामा सङ्क्रमित थपिएका हुन् । योसँगै नेपालमा सक्रिय सङ्क्रमितको सङ्ख्या ३८ हजार ९५२ पुगेको छ।
पछिल्लो २४ घण्टामा तीन हजार ३८ जना नै निको भएका छन भने हालसम्म नेपालमा १ लाख ६४ हजार ७१८ जनालाई कोरोना सङ्क्रमण भइसक्दा १ लाख २४ हजार ८६४ जना निको भइसकेका छन् ।
काठमाडौँ उपत्यकामा थप १६ सय १५ जनामा संक्रमण
काठमाडौँ उपत्यकाका तीन जिल्लामा पछिल्लो २४ घण्टामा १६१५ जना कोरोना सङ्क्रमित थपिएका छन् । स्वास्थ्य मन्त्रालयका अनुसार काठमाडौँमा १ हजार ३३८, भक्तपुरमा ९७ र ललितपुरमा १८० जना सङ्क्रमित थपिएका हुन् ।
योसँगै काठमाडौँमा १६ हजार ५२१, भक्तपुरमा १ हजार ७५ र ललितपुरमा २ हजार ४७० जना सक्रिय सङ्क्रमित रहेका छन् ।
