तिलक थापा, बागलुङ ।
जातीय समता समाज काठेखोला ४ तंग्रामको भेला तथा प्रशिक्षण सोमबार धारामा कोरोनाबाट सुरक्षित मापदण्ड पुरा गर्दै सम्पन्न भएको छ । भेलाले भीम बिकको अध्यक्षतामा ५ सल्लाहकार सहित १५ सदस्यीय जातीय समता समाज वडा समिति तंग्राम चयन गरेको छ ।
जसको उपाध्यक्ष लाल बहादुर किसान, सचिव शेर बहादुर परियार, सहसचिव दिलमाया किसान र कोषाध्यक्षमा सीता किसान हुनुहुन्छ । सदस्यहरुमा लोकेन्द्र बिक, मनु बिक, श्यामलाल बिक, तारा बिक, झक्कले बिक, मनिलाल बिक, तिखाराम किसान, जरसिह बिक, गंगाराज बिक र टिकामाया बिक रहनु भएको छ । सल्लाहकारमा टिकासंगम बिक, सस बहादुर बिक, जित बहादुर सुनार र दुर्गा बिक रहनु चयन हुनुभएको छ ।
कार्यक्रमको उद्घाटन गर्दै राष्ट्रिय जनमोर्चा बागलुङका अध्यक्ष अमर थापाले राज्यबाट सबैभन्दा उत्पीडित र उत्पेक्षित दलित समुदाय रहेको बताउनु भयो । उहाँले आफैँमा सचेत नहुँदासम्म संविधानमा उल्लेखित सिमित अधिकार पनि प्रयोग गर्न नसक्ने दलित समुदायको वास्तविक मुक्ति सही राजनैतिक आन्दोलनले मात्र सम्भव रहेको भन्दै सबै उत्पिडित समुदाय सक्रियपूर्वक लाग्न अनुरोध गर्नु भयो ।
कार्यक्रममा अखिल नेपाल युवक संघका पूर्व केन्द्रीय अध्यक्ष तथा राष्ट्रिय जनमोर्चा राष्ट्रिय परिषद् सदस्य तिलक थापा, अखिल नेपाल बुद्धिजीवी संघका केन्द्रीय सदस्य कमला थापा, जातीय समता समाज बागलुङका सचिव तथा काठेखोला गाउँकार्यपालिका सदस्य टीकासंगम बिक, जातीय समता समाज बागलुङका सदस्य भिम बहादुर बिक लगायतले प्रशिक्षण दिनु भएको थियो ।
कार्यक्रममा राष्ट्रिय जनमोर्चा तंग्रामका अध्यक्ष बिष्णु कडेल, जातीय समता समाज तंग्रामका सदस्य शेर बहादुर परियारले शुभकामना मन्तव्य दिनु भएको थियो । तंग्राम वडा समितिका अध्यक्ष शस बहादुर बिकको अध्यक्षता, भीम बिकको सञ्चालन र सदस्य सीता किसानको स्वागत मन्तब्यमा सम्पन्न भएको थियो ।
