हरिप्रसाद सापकोटा, बारा ।
राष्ट्रिय जनमोर्चा बाराका जिल्ला सदस्य राम स्वरुप यादवको निधन भएको छ । बारा जिल्ला आदर्श कोतवाल वडा नम्बर ३ निवासी यादवको बुधबार निधन भएको हो ।

कोरोनासँग मिल्दोजुल्दो लक्षण देखिएका ४९ वर्षीय यादवको बीरगञ्जस्थित नारायणी उपक्षेत्रीय अस्पतालमा उपचारका क्रममा निधन भएको हो ।

दुवै खुट्टा नचल्ने अपांगता भएका यादव शारीरिक रुपमा अशक्त भएपनि वैचारिक स्पष्टता र आत्मविस्वासका धनी हुनुहुन्थ्यो ।

उहाँ राजनीतिसँगै समाजसेवामा पनि सक्रिय हुनुहुन्थ्यो । यादव अपाङ्ग सेवा समाज बाराका जिल्ला सदस्यसमेत रहनुभएको थियो ।

यादवको निधनले पार्टी र समाजलाई ठुलो क्षति पुगेको राजमो बाराले जनाएको छ । साथै यादवप्रति श्रद्धाञ्जली तथा शोक सन्तप्त परिवारप्रति समवेदनासमेत प्रकट गरेको छ ।