काठमाडौं । थाइल्याण्डमा राजा महा बाचिरालंकनविरुद्ध विशाल प्रदर्शन भएको छ । राजतन्त्रविरुद्धको प्रदर्शनपछि त्यहाँ संकटकाल घोषणा गरिएको बीबीसीले जनाएको छ ।

थाईल्यान्डमा राजतन्त्र र राजपरिवारविरुद्ध बोल्न वा लेख्न पाइँदैन । तर प्रदर्शनकारीहरूले राजा महा वाचिरालंकनविरुद्ध अभूतपूर्व रूपमा नाराबाजी गरेका बताइन्छ ।

अधिकांश समय विदेशमा व्यतीत गर्ने थाई राजाले जर्मनीबाट फर्किँदा विद्यार्थीहरूले नेतृत्व गरेको प्रदर्शनमा यसरी विरोध भएको हो । अहिले थाई सरकारले देशमा शान्तिपूर्ण प्रदर्शन तथा ठूला भेला रोक्न संकटकालीन आदेश जारी गरेको छ।

प्रदर्शनकारीहरूले प्रधानमन्त्रीको राजीनामा र राजाको अधिकार कटौतीको माग गरेका थिए । सरकारले देशमा शान्ति र सुव्यवस्था कायम गर्न संकटकाल लगाउनुपरेको बताएको छ।