मधु क्षेत्री

गरिखाने वर्गको पक्षमा
न्याय र समानताको पक्षमा
भ्रष्टाचारी र बलात्कारको विरुद्धमा
माफिया र तष्करका विरुद्धमा
निरन्तर न्यायप्रेमी जनतालाई
जागरुक बनाउँदै अगाडि बढ्दै जाओस्
‘युगदर्शन’ लाई यही छ शुभकामना !

राष्ट्रघातीहरूका विरुद्ध
कलम चल्दै जाओस्
साम्राज्यवादीहरूका विरुद्ध
आगोको मुस्लो ओकल्दै जाओस्
सीमा अतिक्रमणका विरुद्ध
समाचार सम्प्रेषण गर्दै जाओस्
समाजमा व्याप्त अन्याय, अन्याचारका विरुद्ध
खबरदारीमा निरन्तर डटिरहोस्
‘युगदर्शन’ लाई यही छ शुभकामना !

युगान्तकारी परिवर्तनको पक्षमा
सधैँभरि अग्रपङ्क्तिमा रहोस्
राष्ट्रिय अखण्डताको लडाइँमा
अब्वल र अद्धितीय भूमिका निर्वाह गरोस्
क्रान्तिकारी रूपान्तरणको पक्षमा
निर्भिक र निडर भई
कलम चल्दै जाओस्
प्रतिक्रान्तिकारी र राष्ट्रघातीका विरुद्ध
जनचेतना फैलाउँदै जाओस्
‘युगदर्शन’ लाई यही छ शुभकामना !
यही छ शुभकामना !