काठमाडौं । राष्ट्रिय जनमोर्चाले शुक्रबार देशका पाँचवटा प्रदेशमा एकैपटक जनसभाको आयोजना गर्दैछ ।
‘राष्ट्रियता, गणतन्त्र, र धर्म निरपेक्षताको रक्षा गरौं, संघीयताको विरोध गरौं’ भन्ने मुल नाराका साथ प्रदेश २, ३, ५, कर्णाली र सुदूरपश्चिम प्रदेशमा जुलुश तथा सभाको आयोजना गर्न लागेको हो ।
प्रदेश २ को सिमरामा आयोजना हुने कार्यक्रमलाई पार्टीका अध्यक्ष चित्रबहादुर केसी, प्रदेश ३ को काठमाडौंस्थित रत्नपार्कमा कार्यकारी अध्यक्ष रश्मीराज नेपाली, ५ नं प्रदेशको रुपन्देहीमा उपाध्यक्ष एवं प्रवक्ता दुर्गा पौडेल, सुदूरपश्चिम प्रदेशको धनगढीमा महासचिव जनकराज शर्मा र कर्णाली प्रदेशको सुर्खेतमा केन्द्रीय सदस्य मनोज भट्टले सम्बोधन गर्नुहुनेछ ।
ति ठाउँहरुमा जुलुशसहित सभाको आयोजना गरिएको राजमो केन्द्रीय कार्यालयले जनाएको छ ।
यसअघि सातै प्रदेशमा एकैपटक जनसभाको घोषणा गरिएपनि प्रदेश नं १ र गण्डकी प्रदेशको कार्यक्रम तत्कालका लागि स्थगित गरिएको छ । गण्डकी प्रदेशको पोखरामा भने यही असोज १५ गते कार्यक्रम हुनेछ । कार्यक्रमलाई अध्यक्ष केसीले सम्बोधन गर्नुहुनेछ ।
