भिमसेन वन, बागलुङ ।
बागलुङको वडिगाड गाउँपालिका वडा नं १० निगालपानीमा पहिरोले मृत्यु भएका २६ वर्षीय दानबहादुर घर्तीको परिवारलाई राहत वितरण गरिएको छ ।
राष्ट्रिय जनमोर्चा जिल्ला समिति बगलुङले मृतकको परिवारलाई पाँच हजार रुपैयाँ राहत दिएको हो । राजमो जिल्ला सचिव भिमलाल पोख्रेलसहितको टोलीले बुधार मृतककी श्रीमती ज्ञानकुमारी घर्तीलाई उनकै घरमा पुगेर राहत रकम हस्तान्त्ररण गरेको थियो ।
टोलीमा नेकपा (मसाल)का जिल्ला प्रवक्ता मेकबहादुर पाइजा, अखिल नेपाल युवक संघका केन्द्रीय कोषाध्यक्षा भिमसेन वन, वडिगाड गाउँपालिकाका अध्यक्ष बोमबहादुर थापा, जिल्ला सदस्य कोपिला थापालगायत सहभागी हुनुहुन्थ्यो ।
राजमो बागलुङले जिल्लामा बाढी पहिरोबाट मृत्यु भएकाका पीडित परिवारलाई ५ हजारको दरले राहत हस्तान्तरण गर्दै आएको छ ।
यो पनिः
पहिरोेले मृत्यु भएकी पुजाको परिवारलाई जिल्ला प्रशासन र राजमोको राहत
