काठमाडौं । नेपाल कम्युनिष्ट पार्टी (मसाल) का महामन्त्री मोहनविक्रम सिंहले मूल प्रवाह अखिल भारत नेपाली एकता समाजका नेता दोर्ण पोखरेलप्रति श्रद्धाञ्जली अर्पण गर्नुभएको छ ।
मूल प्रवाह अखिल भारत नेपाली एकता समाज सुदूरपश्चिमोत्तर क्षेत्रीय समितिले आइतबार श्रद्धाञ्जली कार्यक्रमको आयोजना गरेको हो । कार्यक्रमलाई सम्बोधन गर्दै महामन्त्री सिंहले श्रद्धाञ्जलीको अर्थ पार्टी, क्रान्ती र परिवर्तनप्रतिको विश्वास एवं संगठनात्मक पद्धतिप्रतिको समर्पण भएको स्पष्ट पार्नुभयो ।
मूलप्रवाह सुदूरपश्चिमोत्तर क्षेत्रीय अध्यक्ष प्रेम सापकोटाको अध्यक्षता तथा सचिव त्रिभुवन भट्टराईको सञ्चालनमा भएको अनलाइन कार्यक्रममा मूलप्रवाहका केन्द्रीय उपाध्यक्ष हिरासिंह चन्दले स्वर्गीय पोखरेलको जीवनी र योगदानबारे स्पष्ट पार्नुभएको थियो ।
कार्यक्रममा मूलप्रवाहका केन्द्रीय अध्यक्ष दुर्गा वहादुर केसी, उपाध्यक्ष कपिल खनाल, कार्यवाहक महासचिव ठाकुर खनाल, केन्द्रीय सचिव प्रेम पौडयाल, नेपाली समाचारका सह सम्पादक धनबिर पुन, महिला केन्द्रीय संयोजक फुलविना पौडयाल, जनजाती सम्मेलनका केन्द्रीय उपाध्यक्ष कुलवहादुर थापा, मूलप्रवाह केन्द्रीय सदस्य दिनेश खड़का, कुल वहादुर वगाले, कृष्ण जीसी, सल्लाहकार तिलक पौडयाल, महिला क्षेत्रीय सचिव जुना चालिसे, क्षेत्रीय सदस्यहरु तारा सोमारे, छविलाल सापकोटा, हिसारवाट नन्द वहादुर लम्तरी, संगरुरवाट खेमराज पोखरेल, मूलप्रवाहका पुर्व सदस्य तथा राजमो सदस्य तुल्सी खनाललगायतले पोखरेलप्रति श्रद्धाञ्जली अर्पण गर्नुभएको थियो ।
मूलप्रवाह सुदूरपश्चिमोत्तर क्षत्रीय समिति सदस्य ५९ वर्षीय पोख्रेलको अघिल्लो सोमबार पन्जाबको पटियालास्थित राजेन्द्र अस्पतालमा निधन भएको हो ।
यो पनिः
रहेनन् एकता समाजका नेता दोर्णप्रसाद पोख्रेल
दोर्ण पोख्रेलप्रति मसालद्वारा श्रद्धाञ्जली
