युगदर्शन साप्ताहिकले पत्रकारिताको क्षेत्रमा १७ वर्षको एक ऐतिहासिक कालखण्ड पार गरेको छ । सुरुमा यो मासिक म्यागजिनको रूपमा प्रकाशित हुने गर्दथ्यो । २०६६ सालबाट २०७६ सालसम्म यसका कैयौँ मासिक अङ्क प्रकाशित भएका छन् । २०७६ सालमा “हाँक” साप्ताहिक पत्रिका हाम्रो वैचारिक इतिहासको परम्पराबाट विचलित भएपछि ‘युगदर्शन’ साप्ताहिक पत्रिकाको रूपमा प्रकाशित हुन थाल्यो । त्यसरी जन्मको हिसाबले यसले १७ वर्ष पार गरेको भए पनि वैचारिक परम्पराको दृष्टिले यसले ४० वर्षभन्दा अगाडिको यात्रालाई निरन्तरता दिइरहेको छ ।

युगदर्शन साप्ताहिक नेपाली जनताको मुक्तिआन्दोलनलाई सही मार्गदर्शन गर्ने अभियानको चुनौतीपूर्ण क्षणमा अस्तित्वमा आएको थियो । मुक्तिकामी जनताको आन्दोलनको वैचारिक तत्त्वको निरन्तरता मात्र होइन, सामाजिक विसङ्गति, विकृति, असमानता, भ्रष्टाचार विरुद्धको निर्मम अभियान पनि हो ।

राष्ट्रियताको शङ्खघोष गरेर साम्राज्यवादी किल्ला विरुद्ध बारम्बार टकराइरहने उन्नत, सुदृढ, अग्रगामी र समृद्ध विचारप्रवाहको रूपमा युगदर्शन सर्वदा ज्युँदो, जागृत र जुझारु भई देश, जनता र सामाजिक परिवर्तनको मार्गमा अघि बढिरहनेछ भनेर हामीले निशर्त प्रतिबद्धता व्यक्त गर्दछौँ ।

आजको यो ऐतिहासिक अवसरमा युगदर्शनको यो महान् अभियान जस्तोसुकै चुनौतीमा पनि जनपक्षीय विचारको पैरवी गर्ने हामीले उद्घोष गर्दछौँ ।

रामप्रकाश पुरी
सम्पादक