रवि पौडेल ##
Advertisement
आपत्बिपत् नेपालीलाई कति धेरै परेको
कसलाई भनौ यहाँ हामी जिउँदै मरेको
चिल्ला कारको सिसाबाट हेर्छन् प्रतिगामीले
आपत्बिपत् झेल्नुपर्ने सधैँ हामीले
भूकम्पले थिचेको देश कोरोनाले रुवायो
बाढी आयो उत्तरबाट गाउँ नै बगायो
बस्छन् उनी एसीभित्र मिठा भाषण गर्दछन्
जनतालाई पटकपटक भ्रम छर्दछन्
बाढी आउँछ पहिरोमा देख्छन् भेल बगेको
कसले देख्छ पीडितको चुलो निभेको
सिसाका महलभित्र बनाउँछन् योजना
कहाँ पुर्याई थुपार्दछन् देशको खजाना
उत्तरबाट बाढी आयो देशको माटो बगायो
बिचल्ली भई दिनरात रुने बनायो
