विनाश मात्र हुन्छ सधैँ, विपत्ति छ देशमा,
विनाशकारी बाढी आयो भोटेकोशीमा ।।३।।

भदौ महिना दस गते, दुई हजार त्रियासी,
बेँसीभरि कालो उर्ली आयो एक्कासि ।।

हिउँका डल्ला पग्लिएर बाढी आउने गरायो,
मानिस, पशु, घर, खेत सबै बगायो ।।
संरचना, हाइड्रोपावर, बाटो, पुल बगायो,
खर्बौँ-खर्ब हाम्रो देशको क्षति गरायो ।।

कहिले आउँछ भूकम्प त, कहिले आगो लगाउँछन्,
बाढीले नि जनतालाई मर्ने गराउँछन् ।।
विपत्ति नि नेपालमा मात्रै किन गराउँछ?
विदेशीले कठपुतली सरकार बनाउँछ ।।

नाफा गर्छ धनी देश, पृथ्वीलाई बिगारी,
विपत्तिमा गरिब देश बन्छ सिकार ।।
दोहन गर्छन् प्रकृतिलाई, नाफा मात्र हेरेर,
विपत्तिले नेपाललाई आउँछ घेरेर ।।

साम्राज्यवादी हस्तक्षेप हामी सधैँ भोग्या छौँ,
विपत्तिको मारमा पनि हामी परेका छौँ ।।
बेपत्ता छन्, घाइते भएका छन्, मृत्यु पनि सयौँ छ,
पीडा भयो नेपालीलाई, शोकमा परेका छौँ ।।

सतर्कता अपनाउँदै गरौँ सबैले कामना,
सबै मिली विपत्तिको गरौँ सामना ।।५।।